ខេត្តបន្ទាយមានជ័យ ៖ នាយប់ថ្ងៃ សៅរ៍ ០១រោច ខែ ផល្គុន ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៧ ខែកុម្ភះ ឆ្នាំ ២០២១ វេលាម៉ោង២១ នឹង០០នាទី ដោយអនុវត្តន៍តាមបទបញ្ជាដ៏ម៉ឺងម៉ាត់របស់លោកឧត្តមសេនីយ៍ទោ សិទ្ធ ឡោះ ស្នងការ នគរបាល ខេត្ត បន្ទាយមានជ័យ និងមានការណែនាំពីលោកវរៈសេនីយ៍ឯក សូ ចាន់ណារី មេបញ្ជាការ វរ:សេនាតូច នគរបាល ការពារព្រំដែនគោកលេខ ៩១១ បានណែនាំដល់កំលាំងអោយប្រចាំការតាមគោលដៅជាប់២៤ម៉ោង/២៤ម៉ោង និងធ្វើការដើរល្បាត ដើម្បីទប់ស្កាត់ រាល់បទល្មើសគ្រប់ប្រភេទ ជាពិសេសប្រជាពលរដ្ឋលួចឆ្លងដែនខុសច្បាប់ គេចវេសមិនព្រមធ្វើចត្តាឡឺស័ក ១៤ថ្ងៃនិង ទប់ស្កាត់ការរីករាលដាលនៃជំងឺកូវីដ១៩ តាមបន្ទាត់ព្រំដែនកម្ពុជា-ថៃ នឹង រកមុខសញ្ញា មេខ្យល់ដែលនាំពលករលួចឆ្លងដែនខុសច្បាប់ផងដែរ។
លោកវរ:សេនីយ៍ត្រី រស់ ពិសិដ្ឋ នាយប៉ុស្តិ៍ បឹងសាគូ
នគរបាលការពារ ព្រំដែនគោកនៃវរ: លេខ៩១១ បន្តដឹកនាំកម្លាំង សហការណ៍ជាមួយ កម្លាំងយោធាកងពល ថ្មើរជើង លេខ៥១ប្រចាំការណ៍នៅតាមគោលដៅ ស្ថិតនៅក្នុង ភូមិ ទំនប់ក៥ សង្កាត់/ក្រុង ប៉ោយប៉ែត ខេត្តបន្ទាយមានជ័យ
បានឃាត់ខ្លួនប្រជាពលរដ្ឋខ្មែរចំនួន០២នាក់ ក្នុងនោះមានអ្នកជូនផ្លូវ១នាក់ផងដែរ បម្រុងលួចឆ្លងដែនពី ប្រទេសកម្ពុជា ឆ្លងចូលទៅ ប្រទេសថៃ បន្ទាប់មក កម្លាំងប៉ុស្តិ៍បឹងសាគូ បានបញ្ជូនអ្នកទាំង០២នាក់ ទៅធ្វើចត្តាឡឺស័ក១នាក់ នៅមណ្ឌលសំចត សាលាបឋមសិក្សា ហ៊ុនសែន ព្រហ្មនិមិត្ត ស្ថិតនៅក្នុង ភូមិក្បាលស្ពាន ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ ក្នុងនោះអ្នកនាំផ្លូវបានបញ្ជូនទៅ ទីបញ្ជាការវរៈលេខ៩១១ ចាត់ការ តាមនិតិវិធីតាមច្បាប់ ។
ក្នុងនោះ លោកវរ:សេនីយ៍ត្រី រស់ ពិសិដ្ឋ នាយប៉ុស្តិ៍ បឹងសាគូ ក៏បានអំពាវនាវ ដល់បងប្អូនប្រជាពលរដ្ឋ ចូលរួម ទប់ស្កាត់ការរីករាលដាលជំងឺកូវីដ19 នៅក្នុងសហគម
ន៍តាមការណែនាំរបស់ក្រសួងសុខាភិបាល៕
