(កំពង់ចាម) អភិបាលខេត្តកំពង់ចាម និងជាប្រធានសាខាកាកបាទក្រហមកម្ពុជាខេត្ត ឯកឧត្តម អ៊ុន ចាន់ដា និងលោកជំទាវ ញូង ចរិយា នៅព្រឹកថ្ងៃទី ២២ ខែកុម្ភៈ ឆ្នាំ ២០២១ នេះ បានប្រារព្ធពិធីជួបសំណេះសំណាល អបអរសាទរខួបទី ១១ទិវាជាតិ សុខភាពមាតា ទារក និងកុមារ ២១ កុម្ភៈ ដែលប្រព្រឹត្តទៅ នៅមន្ទីរសុខាភិបាលនៃរដ្ឋបាលខេត្តកំពង់ចាម និងនាំអំណោយសម្ដេចកិត្តិព្រឹទ្ធបណ្ឌិត ចែកជូនស្ត្រីមានផ្ទៃពោះ ស្ត្រីទើបសម្រាលបុត្រ ស្ត្រីមានកូនតូច និង ស្ត្រីក្នុងវ័យបន្តពូជ សរុបចំនួន១៥៨នាក់ ។
បន្ទាប់ពី ពិធីសំណេះសំណាល និងចែកអំណោយដល់ស្ត្រី នៅមន្ទីរសុខាភិបាលខេត្ត លោកជំទាវ ញូង ចរិយា អ៊ុនចាន់ដា និងក្រុមការងារ បានបន្តដំណើរ អញ្ជើញចុះសួរសុខទុក្ខ អ្នកជម្ងឺជាស្ត្រីទើបសម្រាលកូន កំពុងសម្រាកក្នុងមន្ទីរពេទ្យខេត្ត និងបានឧបត្ថម្ភថវិកាជូន ក្នុងម្នាក់ៗ ៥០,០០០រៀលផងដែរ ៕
