(បាត់ដំបង) ៖ នៅព្រឹកថ្ងៃទី២២ ខែ កុម្ភៈ ឆ្នាំ២០២១ លោកឧត្ត មសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានអញ្ជើញរួមដំណើរជាមួយឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង ចុះសួរសុខទុក្ខ និងពង្រឹងការងារដល់កងកម្លាំង ប្រដាប់អាវុធនៅតាមគោលដៅជួរមុខក្នុងភូមិសាស្ត្រវរសេនាតូចនគរបាលការពាព្រំដែនគោកលេខ៨១៩ស្រុកកំរៀង ខេត្តបាត់ដំបង។
នៅចំណុចឈរជើងការពារទប់ស្កាត់ប្រជាពលរដ្ឋដែលវិលត្រឡប់មកពីប្រទេសថៃវិញ ឯកឧត្តម អភិបាលខេត្ត បានណែនាំឱ្យសមត្ថកិច្ចបន្តយកចិត្តទុកដាក់ខ្ពស់បន្ថែមទៀតចំពោះភារកិច្ចដែលអនុវត្តបានល្អនាពេលកន្កងមក ហើយពីពេលនេះទៅមុខត្រូវខិតខំ ទប់ស្កាត់ឱ្យបានធ្វើយ៉ាងណាកុំឱ្យមានការរីករាលដាលករណីឆ្លងជំងឺកូវីដ-១៩ ក្នុងសហគមន៍របស់យើង៕
