កាលពីរសៀល ថ្ងៃព្រហស្បតិ៍ ១៥រោច ខែមាឃ ឆ្នាំជូត ទោសក័ ពុទ្ធសករាជ ២៥៦៤ត្រូវនឹងថ្ងៃទី១១ ខែកុម្ភៈ ឆ្នាំ២០២១ ឯកឧត្ដម ឧត្ដមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានដឹកនាំគណៈប្រតិភូកងរាជអាវុធហត្ថរាជធានីភ្នំពេញ អញ្ជើញចូលរួមគោរពវិញ្ញាណក្ខន្ធ និងរំលែកមរណទុក្ខជាមួយគ្រួសារសព លោក សេង ឈៀង មេបញ្ជាការកងរាជអាវុធហត្ថខណ្ឌជ្រោយចង្វារ ដែល។
ឯកឧត្ដម ឧត្ដមសេនីយ៍ឯក រ័ត្ន ស្រ៊ាង បានសម្តែងនូវសមានទុក្ខយ៉ាងក្រៀមក្រំបំផុត និងមានការសោកស្តាយយ៉ាងក្រៃលែង ចំពោះការបាត់បង់នូវនាយអាវុធហត្ថដ៏សំខាន់មួយរូប គឺលោកវរសេនីយ៍ឯក សេង ឈាង មេបញ្ជាការ មូលដ្ឋានកងរាជអាវុធហត្ថខណ្ឌជ្រោយចង្វារ ដែលបានទទួលអនិច្ចកម្ម ដោយរោគគាំងបេះដូង នៅវេលាម៉ោង១០ព្រឹក ថ្ងៃទី១០ ខែកុម្ភៈ ឆ្នាំ២០២១។
ការបាត់បង់នេះ គឺជាការបាត់បង់នូវនាយអាវុធហត្ថដ៏សកម្មមួយរូប ដែលជាធនធានដ៏សំខាន់ ដែលពោរពេញទៅដោយបទពិសោធន៍ របស់បញ្ជាការដ្ឋានកងរាជអាវុធហត្ថរាជធានីភ្នំពេញ។
ឯកឧត្ដម ឧត្ដមសេនីយ៍ឯក រ័ត្ន ស្រ៊ាង
សូមចូលរួមរំលែកទុក្ខជាមួយក្រុមគ្រួសារនៃសពនិងសូមឧទ្ទិសដល់ដួងវិញ្ញាណក្ខន្ធនៃសពសូមបានទៅកាន់សុគតិភពកុំបីឃ្លៀងឃ្លាតឡើយ ៕
