បាត់ដំបង ៖ កាលពីថ្ងៃទី៨ ខែកុម្ភៈ ឆ្នាំ២០២១ នៅវេលាម៉ោង២និង២០នាទីរសៀល កម្លាំងនៃអធិការដ្ឋាននគរបាលស្រុកថ្មគោល សហការជាមួយប៉ុស្តិ៍នគរបាលរដ្ឋបាលគោកឃ្មុំ តាពូង រូងជ្រៃ ឃាត់ខ្លួនមុខសញ្ញាជួញដូរគ្រឿងញៀនចំនួន២នាក់និងវត្ថុតាងជាក់ស្តែង។
ជនសង្ស័យឈ្មោះ ៖ ទី១-សេន សម្បត្តិ ភេទប្រុស អាយុ ៤៦ ឆ្នាំ ទី២-ឈ្មោះ នុន សាម៉ុន ភេទប្រុស អាយុ៣៣ឆ្នាំ ទាំងពីនាក់នេះមានទីលំនៅក្នុងភូមិឆ្កែកូន ឃុំគោកឃ្មុំ ស្រុកថ្មគោល ខេត្តបាត់ដំបង។
សមត្ថកិច្ចដកហូតបានវត្ថុតាងរួមមាន៖ម្សៅក្រាមពណ៌សថ្លា ចំនួន១១កញ្ចប់ ទម្ងន់៤.៩៥ក្រាម អំពូលទែម៉ូម៉ែត្រ២ ដែកកេះ២ ជញ្ជីងថ្លឹងថ្នាំញៀន១គ្រឿង ទូរស័ព្ទដៃចំនួន៤គ្រឿងនិងសម្ភារៈប្រើប្រាស់ថ្នាំញៀនមួយចំនួនទៀត។
បច្ចុប្បន្នជនសង្ស័យទាំង២នាក់ត្រូវបានកម្លាំងនគរបាលស្រុកថ្មគោលឃុំខ្លួនបណ្តោះអាសន្នដើម្បីធ្វើការសាកសួរនិងចាត់ការបន្តទៅតាមនិតិវិធី ៕
