(បាត់ដំបង) នៅព្រឹកថ្ងៃទី០៩ ខែ កុម្ភៈ ឆ្នាំ២០២១នេះលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដឹកនាំប្រតិភូរបស់ស្នងការដ្ឋានដែលមានលោកស្នងការរងនិងនាយការិយាល័យពាក់ព័ន្ធ ចូលជួបសម្តេងការគួរសមនិងអបអរសាទរក្នុងឱកាសថ្ងៃបុណ្យចូលឆ្នាំថ្មីប្រពៃណី វៀតណាម ដែលនឹងឈានចូលមកដល់នាប៉ុន្មានថ្ងៃខាងមុខនេះ នៅបរិវេណស្ថានអគ្គកុងស៊ុងនៃសាធារណរដ្ឋសង្គមនិយមវៀតណាមប្រចាំខេត្តបាត់ដំបង ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។
លោក PHAN TIEN DOUNG តំណាងឯកឧត្តមអគ្គកុងស៊ុលនៃសាធារណៈរដ្ឋសង្គមនិមវៀតណាមប្រចាំខេត្តបាត់ដំបងបានសម្តែងនូវក្តីរំភេីបរីករាយឥតឧបមាចំពោះវត្តមានប្រតិភូរបស់ស្នងការដ្ឋាននគរបាលខេត្តបាត់ដំបង ដឹកនាំដោយលោកឧត្តមសេនីយ៍ទោ សាត គឹមសាន អញ្ជេីញសម្តែងការគួរសមនិងអបអរសាទរបុណ្យចូលឆ្នាំថ្មីប្រពៃណីជាតិវៀតណាមដែលចូលមកដល់នាពេលខាងមុខ ។
លោក PHAN TIEN DOUNG បានគូសបញ្ជាក់ថា កន្លងទៅថ្នាក់ដឹកនាំស្នងការដ្ឋាន និងថ្នាក់ដឹកនាំគ្រប់អង្គភាពចំណុះស្នងការដ្ឋាននគរបាលខេត្តបាត់ដំបងតែងមានទំនាក់ទំនងល្អប្រសេីរជាមួយស្ថានអគ្គកុងស៊ុលនៃសារណរដ្ឋសង្គមនិយមវៀតណាមប្រចាំនៅខេត្តបាត់ដំបងតាំងពីពេលមុនរហូតដល់ពេលបច្ចុប្បន្ន។
ក្នុងបរិយាកាសដ៏ឧត្តុង្គឧត្តមនេះ លោកPHAN TIEN DOUNGបានជូនពរដល់លោកឧត្តមសេនីយ៍ទោស្នងការនិងប្រតិភូក៏ដូចកងកម្លាំងនគរបាលទាំងអស់សូមជួបប្រទះសេចក្តីសុខ សេចក្តីចម្រើន សូមមានប្រាជ្ញភ្លឺថ្លានិងទទួលបានជោគជ័យគ្រប់ភារកិច្ចដើម្បីបម្រើជាតិ បម្រើប្រជាពលរដ្ឋ។
លោកឧត្តមសេនីយ៍ទោ សាត គឹមសាន បានសម្តែងនូវការនឹករលឹកចំពោះថ្នាក់ដឹកនាំស្ថានអគ្គកុងស៊ុលនៃសាធារណរដ្ឋសង្គមនិមវៀតណាមប្រចាំខេត្តបាត់ដំបងព្រមទាំងសហការីទាំងអស់ ដែលក្នុងរយៈពលកន្លងទៅក៏ដូចបច្ចុប្បន្ន តែងមានទំនាក់ទំនងការងារល្អជាមួយថ្នាក់ដឹកនាំស្នងការដ្ឋាន និងអង្គភាពនគរបាលចំណុះស្នងការដ្ឋាននគរបាលខេត្តបាត់ដំបង។
ថ្ងៃនេះដើម្បីអបអរសាទរថ្ងៃបុណ្យចូលឆ្នាំថ្មីប្រពៃណីវៀតណាមដែលនឹងចូលមកដល់នាប៉ុន្មានថ្ងៃខាងមុខនេះ លោកឧត្តមេនីយ៍ទោស្នងការ ជំនួសមុខឱ្យកងកម្លាំងនគរបាលក្នុងខេត្តបាត់ដំបងទាំងអស់ សូមជូនពរឯកឧ្តមអគ្គកុងស៊ុលព្រមទាំងសហការីទាំងអស់សូមមានសុខភាពល្អបរិបូរណ៌ និងសម្រេចបានជោគជ័យក្នុងបេសកកម្មការទូតនៅលេីទឹកដីខេត្តបាត់ដំបងជានិច្ចនិរន្ត៍៕
