(បាត់ដំបង)÷នៅយប់ថ្ងៃទី ០៦ ខែ កុម្ភៈ ឆ្នាំ ២០២១ វេលាម៉ោងប្រហែល ០១:០០នទី នៅក្នុងក្រុងបាត់ដំបង កម្លាំងអធិការដ្ឋាននគរបាលក្រុងបាត់ដំបង បានធ្វើការល្បាតនៅក្នុងភូមិសាស្ត្រក្រុងបាត់ដំបង និងបានធ្វេីការឃាត់ខ្លួនជនសង្ស័យ ០១ នាក់ ឈ្មោះ ចាន់ធា វិសាល ភេទប្រុស អាយុ ១៨ ឆ្នាំ មានទីលំនៅភូមិអូរមុន្នី ឃុំអន្លង់វិល ស្រុកសង្កែ ខេត្តបាត់ដំបង ពាក់ព័ន្ធនឹងករណី លួចមានស្ថានទម្ងន់ទោស ( កាច់សោរយកម៉ូតូ ) របស់ជនរងគ្រោះឈ្មោះ រ៉ាយ ស្រីល័ក្ខ ភេទស្រី អាយុ ២១ ឆ្នាំ មានទីលំនៅភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង ដែលបច្ចុប្បន្នស្នាក់នៅផ្ទះជួលភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
វត្ថុតាងដកហូតរួមមាន ៖
– ម៉ូតូ ០១ គ្រឿងម៉ាកហុងដាឌ្រីមសេ ១២៥ ពណ៌ ខ្មៅ ស៊េរីឆ្នាំ ២០១៩ពាក់ស្លាកលេខបាត់ដំបង 1AF 7092។
– ម៉ូតូ ០១ គ្រឿងម៉ាកហុងដា វេវ ពណ៌ខ្មៅ គ្មានស្លាកលេខ ។
បច្ចុប្បន្នជនសង្ស័យ ផ្នែកជំនាញកំពុងតែរៀបចំសុំណុំរឿងបញ្ជូនទៅតាមនីតិវិធីច្បាប់។
