(ភ្នំពេញ) ក្រុមការងារ កងរាជអាវុធហត្ថរាជធានីភ្នំពេញ នាំយកអំណោយសុខទុក្ខ លោកវរសេនីយ៍ទោ សឿ ចន្ថា ដែលបានជួបគ្រោះថ្នាក់ចរាចរណ៍ កំពុងសម្រាកព្យាបាលនៅមន្ទីរពេទ្យព្រះកេតុមាលា ហៅ ពេទ្យ១៧៩
នារសៀលថ្ងៃទី០៦ ខែកុម្ភៈ ឆ្នាំ២០២១ លោកឧត្តមសេនីយ៍ត្រី ពូ ដាវី និង ឧត្តមសេនីយ៍ត្រី ផាន់ តារាវុធ មេបញ្ជាការរង កងរាជអាវុធហត្ថរាជធានីភ្នំពេញ បានដឹកនាំក្រុមការងារនាំយកអំណោយរបស់ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ រួមជាមួយអំណោយចូលរួមរបស់សមាជិកការិយាល័យប្រឆាំងបទល្មើសព្រហ្មទណ្ឌ សរុប ៤,០០០,០០០៛ (បួនលានរៀល) ទឹកសុទ្ធ ភេសជ្ជៈ៤កែស, ផ្លែឈើស្រស់០១កន្ទ្រក ចុះសួរសុខទុក្ខ និងជាការសម្រាលបន្ទុកក្នុងការសម្រាកព្យាបាលដល់ លោកវរសេនីយ៍ទោ សឿ ចន្ថា សមាជិកអាវុធហត្ថរាជធានីភ្នំពេញ ដែលបានជួបឧបទ្ទវហេតុគ្រោះថ្នាក់ចរាចរណ៍ ខណៈដែលកំពុងឈរបោសសម្រាម នៅមុខផ្ទះស្រាប់តែមានម៉ូតូធ្វើដំណើរខុសផ្លូវ មកបុកយ៉ាងពេញទំហឹងតែម្តង បណ្តាលឲ្យរបួសធ្ងន់៕
