(ខេត្តព្រៃវែង ) នៅព្រឹក ថ្ងៃសុក្រ ៨រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៥ ខែ កុម្ភៈ ឆ្នាំ២០២១ បញ្ជាការដ្ឋានកងរាជអាវុធហត្ថខេត្តព្រៃវែង បានបើកកិច្ចប្រជុំត្រួតពិនិត្យការអនុវត្ត តួនាទី ភារកិច្ច និងវឌ្ឍនៈភាពការងារ កងរាជអាវុធហត្ថ ប្រចាំខែមករា និងទិសដៅការងារ ខែ កុម្ភៈ ឆ្នាំ២០២១ និងបំពាក់ឋានន្តរសក្តិ ជូននាយ នាយរង និងពលអាវុធហត្ថ ចំនួន ១៣ រូប ក្រោមអធិបតីភាព លោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ដែលមានការអញ្ជើញចូលរួមពីសំណាក់ លោកឧត្តមសេនីយ៍ លោកវរសេនីយ៍ មេបញ្ជាការរង នាយរងសេនាធិការ ប្រធានមន្ទីរ មេបញ្ជាការមូលដ្ឋាន កងរាជអាវុធហត្ថក្រុង / ស្រុក ទាំង១៣ និងប្រធានស្នាក់ការសន្តិសុខ សរុបនាយអាវុធហត្ថ ចំនួន ៤៥ នាក់ ។
