ខេត្តបន្ទាយមានជ័យ៖ នាយប់ថ្ងៃចន្ទ័ទី១ខែកុម្ភៈឆ្នាំ២០២១ ក្រោមការចង្អុលបង្ហាញពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតដឹកនាំកម្លាំងបញ្ជាផ្ទាល់ដើម្បីអនុវត្តនូវគោលនយោបាយភូមិឃុំមានសុវត្ថិភាព នឹងរក្សាសន្តិសុខ សុវត្ថិភាព សណ្ដាប់ធ្នាប់សារធារណៈ ជូនប្រជាពលរដ្ឋ នៅក្នុងមូលដ្ឋានក្រុងប៉ោយប៉ែតឲ្យបានល្អប្រសើរ នឹង កម្លាំងអធិការដ្ឋាននគរបាលក្រុងប៉ោយប៉ែត មានចំនួន២៥នាក់ ដឹកនាំដោយ៖
១-លោកវរសេនីយ៍ទោ ឈឿន ប៊ុនថា ឋានៈ អធិការរង
២-លោកវរសេនីយ៍ទោ កែវ ដូល ឋានៈ អធិការរង
៣-លោកវរសេនីយ៍ទោ វិជ្ជា វឌ្ឍនា ឋានៈ អធិការរង
៤-លោកវរសេនីយ៍ទោ តិប ប៊ុនធឿន ឋានៈ អធិការរង បានដឹកនាំកំលាំងចុះត្រួតពិនិត្យអាវុធជាតិផ្ទុះ លើផ្លូវជាតិលេខ៥ នៅចំណុចមុខស្ថានីយ៏រថភ្លើងប៉ោយប៉ែតនឹងកម្លាំងប៉ុស្តិ៍រដ្ឋបាល បន្តចុះត្រួតពិនិត្យអាវុធគ្រឿងផ្ទុះ នៅលើដងផ្លូវនៅក្នុងភូមិសាស្ត្រសំខាន់ៗក្នុងក្រុងប៉ោយប៉ែត ទៅលើមធ្យោបាយ ធ្វើដំណើរគ្រប់ប្រភេទ ដែលបានឆ្លងកាត់គោលដៅរបស់សមត្ថកិច្ចកំពុងឈរជើងត្រួតពិនិត្យ ក្នុងគោលបំណងអនុវត្តន៍អោយបានខ្ជាប់ខ្ជួន ដើម្បីកាត់បន្ថយនូវគ្រោះថ្នាក់ចរាចរណ៍ នឹងអំពើចោរកម្ម ការជួញដូរ ចរាចរណ៍គ្រឿងញៀនគ្រប់ប្រភេទ និងកម្លាំងដើរល្បាតដើម្បីទប់ស្កាត់រាល់បទល្មើសគ្រប់ប្រភេទផងដែរ។
លោកវរសេនីយ៍ឯក សៅ សារឿន បញ្ជាក់ថា ក្រៅពីសកម្មភាពពិនិត្យអាវុធគ្រឿងផ្ទុះ កម្លាំងនគរបាលក៏បានជួយពន្យល់ណែនាំ ឲ្យប្រជាពលរដ្ឋ ចូលរួមធ្វើអនាម័យ ពាក់ម៉ាស ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩ តាមការណែនាំរបស់ក្រសួងសុខាភិបាលផងដែរ។
លោកក៍បានអំពាវនាវសូមបងប្អូនប្រជាពលរដ្ឋបន្តចូលរួមអនុវត្តវិធានការណែនាំរបស់ក្រសួងសុខាភិបាល រក្សាអនាម័យខ្លួនប្រាណ ត្រូវពាក់ម៉ាស់ លាងដៃនឹងសាប៊ូ ជែល អាល់កុលឲបានញឹកញ៉ាប់ជៀសវាងការឆ្លងមេរោគ ជំងឺCovid-19៕
លេខទំនាក់ទំនងអន្តរាគមន៍នគរបាលក្រុងប៉ោយប៉ែតមានលេខ☎0977780164 ។
