(ភ្នំពេញ)៖ ព្រឹកថ្ងៃទី០១ ខែកុម្ភៈ ឆ្នាំ២០២១ ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានអញ្ជើញចុះសួរសុខទុក្ខលោកអនុសេនីយ៍ឯក រស់ ហ៊ន នាយរងផ្នែកចរាចរណ៍សណ្ដាប់ធ្នាប់នៃអធិការដ្ឋាននគរបាលខណ្ឌច្បាអំពៅ និងជាមន្ត្រីសកម្មម្នាក់ក្នុងការបំពេញភារកិច្ចជូនអង្គភាព ក៏ដូចជាសកម្មក្នុងការបម្រើប្រជាពលរដ្ឋ ដែលកំពុងសម្រាកព្យាបាលជំងឺនៅគេហដ្ឋាន។ក្នុងឱកាសចុះសួរសុខទុក្ខដល់គេហដ្ឋាននោះដែរ ឯកឧត្តមស្នងការក៏បាននាំយកជាសម្ភារៈ និងថវិកាមួយចំនួនសម្រាប់ជួយដោះស្រាយបញ្ហាសម្រាកព្យាបាលផងដែរ។
ជាមួយនោះ លោកអនុសេនីយ៍ឯក រស់ ហ៊ន ក៏បានសម្តែងនូវអារម្មណ៍រំភើបរីករាយយ៉ាងខ្លាំង និងសម្តែងការដឹងគុណដល់ឯកឧត្តម ឧត្តមសេនីយ៍ឯក ស ថេត ដែលជាថ្នាក់ដឹកនាំមួយដ៏ល្អ ដែលតែងតែយកចិត្តទុកដាក់ ដល់សុខទុក្ខមមន្ត្រីក្រោមឱវាទ។
នេះជាលើកទីពីរហើយ ដែលឯកឧត្តមស្នងការបានទៅសួរសុខទុក្ខលោកអនុសេនីយ៍ឯក រស់ ហ៊ន ដល់គេហដ្ឋានរបស់លោក៕
