បាត់ដំបង ៖ នាថ្ងៃទី ១៧ ខែមករា ឆ្នាំ ២០២១ សមត្ថកិច្ចនគរបាលស្រុកបវេល បានឃាត់ខ្លួនជនសង្ស័យមួយរូប ក្រោយទទួលពាក្យបណ្តឹងពីថាបានរួមភេទជាមួយអនីតិជន ។
នាថ្ងៃទី ១៧ មករា ឆ្នាំ ២០២១ វេលាម៉ោង ១៧.២០នាទី សមត្ថកិច្ចនគរបាលបានទទួលបណ្ដឺង ឈ្មោះ លុយ ប៊ី ភេទប្រុស អាយុ ៤១ ឆ្នាំ រស់នៅក្រុមទី ០៤ ភូមិបឹងសំរោង ឃុំល្វាស្រុកបវេល ខេត្តបាត់ដំបង អំពីករណីយុវជនសង្ស័យ ថា បានរួមភេទជាមួយអនីតិជននៅក្នុងបន្ទប់ទឹក ។
ជនរងគ្រោះ ឈ្មោៈ ម.ស.ភ. ភេទ ស្រី អាយុ ១៤ ឆ្នាំរស់ភូមិ-ឃុំកើតហេតុ ។
ជនសង្ស័យឈ្មោះ វុន វេត ភេទប្រុសអាយុ២១ឆ្នាំស្នាក់នៅវត្តបឹងសំរោង ស្ថិតនៅភូមិបឹងសំរោង ឃុំល្វាស្រុកបវេល។
ករណីរួមភេទជាមួយអានីតិជន (អាយុក្រោម១៥ឆ្នាំ) ដែលបានកើតឡើងកាលពីថ្ងៃទី ០៥ មករា ២០២១ វេលាម៉ោង ១០.០០នាទី ព្រឹក នៅចំនុចក្នុងបន្ទុប់ទឹក ក្នុងបរិវេណវត្តបឹងសំរោង ស្ថិតនៅភូមិបឹងសំរោង ឃុំល្វា ស្រុកបវេល ខេត្តបាត់ដំបង ។
ដោយមានការអនុញ្ញាតពីឯកឧត្តមស្នងការយើងបានឃាត់ខ្លួនជនសង្ស័យខាងលើ។
បច្ចុប្បន្ន ករណីនេះ កំលាំងជំនាញកំពុងកសាងសំណុំរឿងបញ្ចូនទៅការិយាល័យជំនាញខេត្តអនុវត្តបន្តតាមនិតិវិធី ៕
