ភ្នំពេញ ៖ ព្រឹកថ្ងៃអាទិត្យ ៤ កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៧ ខែមករា ឆ្នាំ២០២១ ឯកឧត្តម ជា ពិសី អភិបាល នៃគណៈអភិបាលខណ្ឌប្ញស្សីកែវ តំណាងដ៏ខ្ពង់ខ្ពស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បាននាំយកអំណោយដ៏ថ្លៃថ្លាបំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនប្រជាពលរដ្ឋមានជីវភាពខ្វះខាត ចំនួន ៧៨គ្រួសារ រស់នៅក្នុងសហគមន៍ផ្លូវរថភ្លើង និងសហគមន៍A ក្នុងសង្កាត់ទួលសង្កែទី១ ខណ្ឌឫស្សីកែវ ក្នុងពិធីសំណេះសំណាល សួរសុខទុក្ខ ព្រមទាំងណែនាំ អប់រំ ពីបញ្ហាសុខភាព ។
ក្នុងពិធីនេះដែរ ក៏មានការអញ្ជើញចូលរួមពី លោក ថោង វ៉ាន់ថា តំណាងរាជធានីភ្នំពេញ លោកអភិបាលរងខណ្ឌ លោក លោកស្រី អធិការរងខណ្ឌ ក្រុមប្រឹក្សាសង្កាត់ទួលសង្កែ សង្កាត់គីឡូម៉ែត្រលេខ៦ សង្កាត់ឫស្សីកែវ ប្រធាន-អនុប្រធានការិយាល័យ យុវជន និងគ្រួសារប្រជាជនមានជីវភាពខ្វះខាត សរុបប្រមាណ ១២៩នាក់។ អំណោយដ៏ថ្លៃថ្លបំផុតរបស់សម្ដេចទាំងទ្វេផ្តល់ជូនប្រជាពលរដ្ឋដែលមានជីវភាពខ្វះខាតទាំង៧៨គ្រួសារ នាឱកាសនេះរួមមាន ៖ គ្រឿងបរិភោគ និងថវិកាមួយចំនួន៕
