ថ្ងៃទី ១១ ខែ មករា ឆ្នាំ ២០២១ បានប្រារព្ធពីធីបើកបវេសនកាល ឆ្នាំសិក្សាថ្មី ២០២០ -២០២១ ក្រោមអធិបតីភាពលោកជំទាវ បាន ស្រីមុំ អភិបាល នៃគណៈ អភិបាល ខេត្ត ប៉ៃលិន ព្រមទាំងប្រធាន អនុប្រធាន មន្ទីរអង្គភាពពាក់ព័ន្ធបុគ្គលិក អប់រំ និងសិស្សានុសិស្ស ប្រមាណ ៥៥០នាក់បានចូល រួម ។
លោក តង់ ធារ៉ា ប្រធាន មន្ទីរអប់រំ យុវជននិងកីឡាខេត្តបានមានមតិស្វាគមន៍និងធ្វើរបាយការណ៍គូស បញ្ចាក់ ពី សមិទ្ធិផល វិស័យ អប់រំ ក្នុង ឆ្នាំ សិក្សា ២០១៩ – ២០២០ ពិសេសសមិទ្ធិផលនៃការអនុវត្តការធ្វើកំណែទម្រង់ក្នុងវិស័យអប់រំយុវជននិងកីឡារយៈពេល០១ឆ្នាំកន្លងមកក្នុងខេត្តប៉ៃលិន ។
ជាមួយគ្នានេះដែរ លោក ជំទាវ បាន ស្រីមុំអភិបាលនៃគណៈអភិបាលខេត្តបានអានសារលិខិតសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាថ្លែងក្នុងឱកាសកាសបើកបវេសនកាលឆ្នាំសិក្សា ២០២០-២០២១ ព្រមទាំងបានផ្តល់ជាសម្ភារៈសិក្សា និថវិកាមួយចំនួនដល់សិស្សានុសិស្សលោកគ្រូ-អ្នកគ្រូជាការលើកទឹកចិត្តក៏ដូចជាបង្ហាញការយកចិត្តទុកដាក់ដឹងគុណចំពោះគ្រូបង្រៀន ៕
