ភ្នំពេញ ៖ លោក វរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ ឃាត់ខ្លួនមុខសញ្ញាលួច៤នាក់ ទិញលក់ ប្រចាំទ្រព្យសម្បត្តិ = ទទួលផលចោរកម្មម្នាក់បញ្ចូនឡើងតុលាការធ្វើឡើងក្រោយបានទទួលពាក្យបណ្តឹងរបស់ជនរងគ្រោះ
កម្លាំងជំនាញផ្នែកយុត្តិធម៌ និងកម្លាំងប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានធ្វើការឃាត់ខ្លួនជនសង្ស័យចំនួន៤នាក់ ជាមុខសញ្ញាលួច និងម្នាក់ទៀតជាអ្នកទទួលផលចោរកម្ម ជាបន្តបន្ទាប់ កាលពីថ្ងៃទី០២ ខែមករា ឆ្នាំ២០២១ វេលាម៉ោង១៧ ម៉៣០នាទី ។
ប្រតិបត្តិការនេះធ្វើឡើងក្រោយបានទទួលពាក្យបណ្តឹងរបស់ជនរងគ្រោះឈ្មោះ ឈ្មោះ តាំង ហួរ ភេទប្រុស អាយុ២៩ឆ្នាំ ជនជាតិខ្មែរ មុខរបរ បើកយាន្តដ្ឋានជួសជុលរថយន្ត ទីលំនៅបច្ចុប្បនផ្ទះជួលេខ៣៧៩ ផ្លូវលេខ៨០ ក្រុម៣០៣ ភូមិ២៤ សង្កាត់ស្រះចក ខណ្ឌដូនពេញ រាជធានីភ្នំពេញ។
ជនសង្ស័យទី១មានឈ្មោះ៖ ១-ឈ្មោះ សុខ រី ភេទប្រុស អាយុ២៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅភូមិសុភី ឃុំសុភី ស្រុកសង្កែ ខេត្តបាត់ដំបង ទី ,២-ឈ្មោះ កាន់ ចំរើន ហៅអាតុង ភេទប្រុស អាយុ១៨ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ ទី,៣-ឈ្មោះ កង ណារិទ្ធ ហៅដែន ភេទប្រុស អាយុ៤២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះលេខ៤៩ ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ទាំង៣នាក់ពាក់ព័ន្ធនិងករណីលួចម៉ូតូ ប្រព្រឹត្តិនៅចំណុចយាន្តដ្ឋានជួសជុលរថយន្ត ផ្ទះលេខ៣៧៩ ផ្លូវលេខ៨០ ភូមិ២៤ សង្កាត់ស្រះចក ខណ្ឌដូនពេញ រាជធានីភ្នំពេញ ថ្ងៃទី០១ ខែមករា ឆ្នាំ២០២១វេលាម៉ោង០៤ ម៉៣០នាទី ទៀបភ្លឺ។ដោយឡែកទី៤ ឈ្មោះ សុខ សាលី ភេទស្រី អាយុ៣៥ ដែលបានធ្វើសកម្មភាព លួចទូរស័ព្ទដៃ។
នៅចំពោះមុខសមត្ថកិច្ច ជនសង្ស័យទងអស់បាន សារភាពថាពួកខ្លួនពិតជាបានធ្វើសកម្មភាព និងទទួលផលចោរកម្មពិតប្រាដកមែន។ បច្ចុប្បន្នជនសង្ស័យទាំង៥នាក់ ត្រូវបានកម្លាំងជំនាញបញ្ចូនខ្លួនឡើងតុលាការចាត់ការតាមនិតិវិធីច្បាប់៕
