(ខេត្តប៉ៃលិន) តំណាងរាស្ត្រខេត្តប៉ៃលិនដែលទើបទទួលបានមុខតំណែងថ្មី បានចូលរួមរំលែកទុក្ខពលរដ្ឋកំពុងមានទុក្ខដោយក្រុមគ្រួសារទទួលមរណ:ភាពដោយរោគាពាធ។
ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន អមដំណើរដោយលោក សៀ សុខុម អភិបាលរងស្រុកសាលាក្រៅ លោក ទឹម សុធីម ប្រធានក្រុមការងារ ចុះជួយភូមិលាវ រួមនឹងក្រុមការងារ នៅព្រឹកថ្ងៃអាទិត្យទី៣ ខែមករា ឆ្នាំ២០២១នេះបានអញ្ជើញចូលរួមរំលែកមរណទុក្ខ សពលោកស្រី ជឹង ជិន ភេទស្រី អាយុ៦៧ ឆ្នាំ ដែលមានទីលំនៅស្ថិតនៅភូមិលាវ ឃុំសាលាក្រៅ ស្រុកសាលាក្រៅ ខេត្តប៉ៃលិន បានទទួលមរណៈភាព ដោយរោគាពាធកាលពីថ្ងៃសៅរ៍ ទី២ ខែមករា ឆ្នាំ២០២១ វេលាម៉ោង ១៤:០០ នាទីរសៀល ។
ចំពោះសម្ភារៈរួមមាន÷ អង្ករ ១០០គីឡូក្រាម ទឹកសុទ្ធ ១៥យួរ មី០១ កេស ទឹកត្រី ០២យួរ ទឹកស៊ីអ៉ីវ ០២យួរ មឈូស០១ និងបច្ច័យមួយចំនួនផងដែរ។
ក្នុងឱកាសនោះដែរ ឯកឧត្តមតំណាងរាស្ត្របានណែនាំដល់បងប្អូនប្រជាពលរដ្ឋទាំងអស់ត្រូវរួមគ្នាការពារជម្ងឺកូវិដ១៩កុំឲ្យឆ្លងចូលក្នុងសហគមន៍និងខេត្តយើង ត្រូវរក្សាអនាម័យលាងដៃនិងសាប៊ូអាកុលឬជែលរក្សាគម្លាតសង្គម ពិសេសស្ដាប់ការណែនាំរបស់ក្រសួងសុខាភិបាលចំពោះពលរដ្ឋចំណាកស្រុកមកពីបរទេសត្រូវរាយការណ៍ជូនមេភូមិឬសមត្ថកិច្ចដើម្បីសាកសួរនិងនាំទៅធ្វើចត្តាឡីស័កការពារការរីករាលដាលចូលសហគមន៍យើង៕
