(ខេត្តប៉ៃលិន) ដើម្បីពង្រឹកកាងារនិងលើកទឹកចិត្តដល់កងកម្លាំងប្រដាប់អាវុធដែលឈរជើងនៅបន្ទាត់ព្រំដែនកម្ពុជា.ថៃទើប នៅរសៀលថ្ងៃសៅរ៍ ៤រោច ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែធ្នូ ឆ្នាំ ២០២១ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន និងឯកឧត្តម សៅ សារ៉ាត់ ឣ្នកតំណាងរាស្ត្រមណ្ឌលប៉ៃលិន បានឣញ្ជើញចុះសំណេះសំណាលនិងសួរសុខទុក្ខ បាននាំយកគ្រឿងឧបភោគបរិភោគ ជូនដល់កងកម្លាំងការពារព្រំដែននៅតាមបន្ទាត់ព្រំដែនកម្ពុជា-ថៃ។
ក្នុងការទប់ស្កាត់ការឆ្លងដែនខុសច្បាប់ បទល្មើសជួញដូរផ្សេងៗ ពិសេសត្រៀមទទួលពលករដែលចំណាកស្រុកចូលមកពីប្រទេសថៃតាមច្រករបៀងនានា ដើម្បីបញ្ជូនមកធ្វើចត្តាឡីស័ក ក្រោមការពិនិត្យនិងតាមដានសុខភាពដោយយកចិត្តទុកដាក់ពីក្រុមគ្រូពេទ្យជំនាញ ក្នុងការបង្ការនិងទប់ស្កាត់ការរីករាលដាលវីរុសកូវីដ១៩ចូលក្នុងសហគមន៌។
ក្នុងឱកាសជួបសំណេះសំណាល លោកជំទាវអភិបាលខេត្ត បាននាំបណ្តាំផ្ញើសាកសួរសុខទុក្ខ ពីសំណាក់សម្តេចអគ្គមហាសេនាបតី ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនកងកម្លាំងទាំងអស់ និងរួមគ្នាបំពេញតួនាទី ភារកិច្ចអោយបានល្អ មានសាមគ្គីភាព ឯកភាពផ្ទៃក្នុងអោយបានរឹងមាំ ដើម្បីរួមគ្នាទប់ស្កាត់កុំអោយវីរុសកូវីដ១៩ឆ្លងចូលសហគមន៍បាន ហើយក្នុងពេលបំពេញភារកិច្ចនេះ ត្រូវរក្សាអនាម័យ ពាក់ម៉ាស់ លាងដៃនឹងអាល់កុល ជែល ជាប្រចាំ និងមិនត្រូវទៅប៉ះពាល់ដោយផ្ទាល់ត្រូវរក្សាគំលាតសង្គមចាប់ពីមួយម៉ែត្រកន្លះឡើងទៅកុំទៅប៉ះពាល់ដោយផ្ទាល់ជាមួយពលករ ដែលស្ថិតក្នុងការសង្ស័យមានផ្ទុកវីរុសកូវីដ១៩ នោះ ត្រូវរាយការណ៍ជាបន្ទាន់ជូនដល់ក្រុមការងារ និងគ្រូពេទ្យជំនាញបើមានការសង្ស័យថាសុខភាពខ្លួនមិនប្រក្រតី៕
