ខេត្តបន្ទាយមានជ័យ៖នៅព្រឹកថ្ងៃចន្ទ ១៤ រោច ខែអស្សុជ ឆ្នាំខាល ចត្វាស័ក ពស ២៥៦៦ ត្រូវនឹងថ្ងៃទី ២៤ ខែតុលា ឆ្នាំ ២០២២ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញដឹកនាំកម្លាំងនគរបាលទូទាំងខេត្ត កម្លាំងអធិការដ្ឋាននគរបាលក្រុង-ស្រុក ទាំង៩ និង កម្លាំងវរសេនាតូចនគរបាលការពារព្រំដែនគោកទាំង៤ គោរពទង់ជាតិ នៃព្រះរាជាណាចក្រកម្ពុជា ។
ថ្លែងក្នុងពិធីនោះ លោកឧត្តមសេនីយ៍ទោ សិទ្ធិ ឡោះ បានមានប្រសាសន៍ពាំនាំអនុសាសន៍ដ៏ខ្ពង់ខ្ពស់របស់ប្រមុខថ្នាក់ដឹកនាំជូនដល់កងកម្លាំងនគរបាល ។ បានដាក់ចេញឱ្យការិយាល័យផ្សព្វផ្សាយអប់រំ តាមដានរាល់ការផ្សព្វផ្សាយផ្សេងៗលើបណ្តាញ់សង្គមហ្វេសបុក នៅរឿងមិនល្អ ដោយគោរពអនុវត្តតាមអនុសាសន៍ដ៏ខ្ពង់ខ្ពស់របស់ អគ្គស្នងការ នគរបាលជាតិ និង បានក្រើនរំឱ្យកងកម្លាំងនគរបាល គោរពវិន័យ០០៦ របស់នគរបាលជាតិ ។
ទន្ទឹមគ្នានេះលោកឧត្តមសេនីយ៍ទោស្នងការ ក៏ថ្លែងអំណរអរគុណយ៉ាងជ្រាវជ្រៅ ដល់កងកម្លាំងនគរបាលទូទាំងខេត្តបន្ទាយមានជ័យ ដែលបានខិតខំប្រឹងប្រែងក្នុងកិច្ចការ ចុះរៀបចំសណ្តាប់ធ្នាប់ ការពារសន្តិសុខសុវត្ថិភាព ជូនប្រមុខថ្នាក់ដឹកនាំប្រកបដោយសុខសុវត្ថិភាព និងជោគជ័យ។ សូមជូនពរដល់កងកម្លាំងទាំងអស់ជួបតែសេចក្ដីសុខ គ្រប់ប្រការ សុខភាពមាំមួន ជោគជ័យលើកិច្ចការផ្សេងៗ និងជួបតែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ ៕
