នៅថ្ងៃទី២៦ ខែកញ្ញាឆ្នាំ២០២២ វេលាម៉ោង១៧ ម៉៣០នាទី កម្លាំងប៉ុស្តិ៍នគរបាលរដ្ឋបាលជយ័ជំនះ នៃអធិការដ្ឋាននគរបាលខណ្ឌដូនពេញ បានធ្វើការឃាត់ខ្លួនជនសង្ស័យ០១នាក់ នៅចំណុចមុខផ្ទះសំណាក់ យីហោឈូកទឹប ក្នុងសង្កាត់ស្រះចកខណ្ឌដូនពេញ រាជធានីភ្នំពេញ ពីបទ៖លួច (ម៉ូតូ) ប្រព្រឹត្តិនៅចំណុចក្នុងផ្ទះលេខ៣៥Eo ផ្លូវលេខ២៤០ភូមិ១១ សង្កាត់ជយ័ជំនះខណ្ឌដូនពេញ រាជធានីភ្នំពេញ កាលពីថ្ងៃទី២៥ ខែកញ្ញា ឆ្នាំ២០២២ វេលាម៉ោង១០ ម៉៣០នាទី។
ជនសង្ស័យ រួមមាន ៖
១/-ឈ្មោះ ទ្រី សោភណ្ឌ័ ភេទប្រុស អាយុ២២ ឆ្នាំ ជនជាតិខ្មែរ មុខរបរមិនពិតប្រាកដស្នាក់នៅមិនពិតប្រាកដ (ឃាត់ខ្លួន)។
២/-ឈ្មោះ សី ភេទប្រុសអាយុប្រហែល២៩ឆ្នាំ (គេចខ្លួន)
ជនរងគ្រោះ ឈ្មោះ ស្វាយ ជាមបូឌឹត
ភេទប្រុស អាយុ២៩ ឆ្នាំ ជនជាតិខ្មែរមុខរបរបុគ្គលឹកក្រុមហ៊ុន ស្នាក់នៅផ្ទះលេខ៣៥Eoផ្លូវលេខ២៤០ភូមិ១១ សង្កាត់ជយ័ជំនះខណ្ឌដូនពេញ រាជធានីភ្នំពេញ ។
សេចក្តីរាយការណ៍អោយដឹងថា នាថ្ងៃទី២៥ ខែកញ្ញាឆ្នាំ២០២២ វេលាម៉ោង១០ ម៉៣០នាទី ជនរងគ្រោះឈ្មោះស្វាយ ជាមបូឌឹត ភេទប្រុស អាយុ២៩ ឆ្នាំបានចេញពីផ្ទះលេខ៣៥Eo ផ្លូវលេខ២៤០ ភូមិ១១ សង្កាត់ជយ័ជំនះ ខណ្ឌដូនពេញ រាជធានីភ្នំពេញ ដើម្បីទៅបុណ្យភ្ជុំបិណ្ឌនៅវត្តបុទុម ក្នុងសង្កាត់ចតុមុខខណ្ឌដូនពេញ រាជធានីភ្នំពេញ ។ ពេលប្រគេនចង្ហាន់រួច ក៏ត្រឡប់មកផ្ទះវិញ ។ ពេលដល់ផ្ទះ ឪពុកជនរងគ្រោះយកកូនសោរចាក់ចូលក្នុងផ្ទះ ក្រោយមកជនរងគ្រោះរកធុងបាស់មកចាក់ស្តាប់រកពុំឃើញ ហើយរកមើលម៉ូតូក៏បាត់ រកពុំឃើញដែរ រហូតដល់ម៉ោង១១ម៉០០នាទី ទើបឆែកកាំមេរ៉ាសុវត្តិភាព មើលឃើញជនសង្សយ័ ០២ នាក់ចូលក្នុងផ្ទះធ្វើសកម្មលួចធុងបាស់ នឹងម៉ូតូម៉ាក PCX ពណ៌ស ផ្លាកលេខភ្នំពេញ 1FC 6111 បានសម្រេចយកចេញទៅបាត់ ។ បន្ទាប់មកជនរងគ្រោះបានមកដាក់ពាក្យបណ្តឹងនៅប៉ុស្តិនគរបាលរដ្ថបាលជយ័ជំនះ ។ ក្រោយពីបានទទួលពាក្យបណ្តឹងរួចហើយ កម្លាំងសមត្ថកិច្ចបានធ្វើការស្រាវជ្រាវ ឈានដល់ធ្វើការឃាត់ខ្លួនជនសង្សយ័០១នាក់ឈ្មោះ ទ្រីសោភណ្ឌ័ភេទប្រុសអាយុ២២ ឆ្នាំនៅចំណុចមុខផ្ទះសំណាក់យីហោឈូកទិបក្នុងសង្កាត់ស្រះចកខណ្ឌដូនពេញយកមកធ្វើការសាកសួរនៅប៉ុស្តិនគរបាលជយ័ជំនះតែម្តង។
ចំពោះឈ្មោះ សី ភេទប្រុស អាយុ២៩ឆ្នាំ បានយកម៉ូតូម៉ាកPCXពណ៏សផ្លាកលេខភ្នំពេញ1FC6111ជិះគេចខ្លួនបាត់។
ចំពោះមុខ កម្លាំងជំនាញខណ្ឌ-ប៉ុស្តិ៍ កំពុងប្រើប្រាស់វិធានការជំនាញ សាក សួរចម្លើយបន្តរកបក្ខពួក និងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់។
ទិសដៅបន្ត អធិការដ្ឋាន ប៉ុស្តិ៍នគរបាលរដ្ឋបាលទាំង១១ នឹងបន្តខិតខំបង្ការ ទប់ស្កាត់បទល្មើសគ្រប់ប្រភេទដោយអនុវត្តន៍តាមអនុសាស ន៍ដ៏ខ្ពង់ខ្ពស់របស់ ឯកឧត្តមស្នងការ និងលោកអភិបាលខណ្ឌ ៕
