នៅព្រឹកថ្ងៃទី០៨ ខែកញ្ញា ឆ្នាំ២០២២នេះ អគារស្នងការរាជធានីភ្នំពេញ ដែលមានតម្លៃជាង ១៤ លានដុល្លារ ត្រូវបានសម្ពោធដាក់ឱ្យប្រើប្រាស់ជាផ្លូវហើយ ក្រោមអធិបតីភាពរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
អគាររដ្ឋបាលនេះ មានកម្ពស់១០ជាន់ និងអគារសាលប្រជុំកម្ពស់ ៣ ជាន់ របស់ស្នងការដ្ឋាននគរបាលរាជធានីភ្នំពេញ ។
អគ្គស្នងការរង និងជាស្នងការនគរបាលរាជធានីភ្នំពេញឧត្តមសេនីយ៍ ស ថេត បានឱ្យដឹងថា ដោយពិនិត្យឃើញស្ថានភាពអគាររដ្ឋបាលដែលមានស្រាប់ មានសភាពចាស់ទ្រុឌទ្រោម មិនអាចធានាដល់ការបំពេញភារកិច្ចនោះ ខ្ញុំបាទបានគោរពរាយការណ៍ជូន សម្ដេចក្រឡាហោម ស ខេង ដើម្បីជ្រាបអំពីស្ថានភាពនិងការលំបាកទាំងនេះ និងគោរពសុំគោលការណ៍ ដើម្បីសាងសង់អគារថ្មីជំនួសវិញ ៕
