(ភ្នំពេញ)៖ នៅព្រឹកថ្ងៃអង្គារ ៤កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣០ ខែសីហា ឆ្នាំ២០២២ រដ្ឋបាលខណ្ឌចំការមន ដឹកនាំដោយលោក កៀង ល័ក្ស អភិបាល នៃគណៈអភិបាលខណ្ឌចំការមន បានចុះត្រួតពិនិត្យការស្ដារប្រព័ន្ធលូ និងអណ្ដូងលូ ដែលគំរបលូមានការបាក់បែក ដើម្បីដាក់ថ្មី និងការជួសជុលផ្លូវសំបុកមាន់ នៅមហាវិថីព្រះមុនីវង្ស និងផ្លូវលេខ២៧១ ដែលស្ថិតនៅក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ដោយមានការចូលរួមពីលោកអភិបាលរងខណ្ឌ និងមន្ត្រីពាក់ព័ន្ធ។
ជាលទ្ធផល លោកអភិបាលខណ្ឌ បានចាត់អោយការិយាល័យសាធារណការខណ្ឌ អនុវត្តក្នុងការងារដាក់គំរបលូថ្មី និងបានណែនាំដល់បងប្អូនប្រជាពលរដ្ឋដែលរស់នៅតាមបណ្ដោយផ្លូវខាងលើ កុំអោយយកសំរាមមកដាក់លើគំរបលូ ដើម្បីជៀសវាងសំរាមធ្លាក់ចូលក្នុងលូ ធ្វើអោយមានការកកស្ទះប្រព័ន្ធលូ នៅពេលមានភ្លៀងធ្លាក់ខ្លាំង៕
