(ឧត្ដរមានជ័យ) ៖ មានហេតុការណ៏ប្រកែកគ្នាតឹងសរសៃកផ្អើលអស់អ្នកភូមិចេញមកមើលព្រោងព្រាតបង្កឡើងរវាងសមត្ថកិច្ចជំនាញមេព្រៃជាមួយនឹងម្ចាស់រថយន្តដឹកធ្យូងកាលពីព្រឹកព្រលឹមថ្ងៃទី២៥ ខែសីហាឆ្នាំ២០២២ម្សិលមិញនេះស្ថិតនៅត្រង់ចំណុចភូមិទួលប្រាសាទ ឃុំត្រពាំងប្រីយ៏ ស្រុកអន្លង់វែង ខេត្តឧត្តរមានជ័យ។
បើយោងតាមការបង្ហោះតាមប្រព័ន្ធបណ្តាញសង្គមបានបញ្ជាក់ពីការលើកឡើងលោកស្រីដែលជាម្ចាស់ឡានកូរ៉េមួយគ្រឿងពណ៌សពាក់ស្លាកលេខបាត់ដំបង3A1449ដឹកធ្យូងចំនួន២០០ការ៉ុងគោលដៅពីស្រុកអន្លង់វែងឆ្ពោះទៅកាន់បឹងត្រកួនស្រុកថ្មពួកខេត្តបន្ទាយមានជ័យខណ:ពេលដែលមានមន្ត្រីជំនាញមេព្រៃហៅឈប់ដើម្បីត្រួតពិនិត្យក្រោយមកក៏មានការប្រកែកគ្នាបន្ទាប់មកលោកស្រីម្ចាស់ឡានក៏បានចោទចង្អុលទៅលោកវ៉ុន ប៊ុន ធឿននាយសង្កាត់រដ្ឋបាលព្រៃឈើស្រុកអន្លង់វែងថាបានស្ទាក់ចាប់ជំរិតទាលុយពីគាត់ដែលដឹកជញ្ជួានធ្យូងក្នុងមួយរថយន្តចំនួន១លានរៀលជាថ្នូរទៅនឹងមិនធ្វើការឃាត់រថយន្តទុកនិងដឹកយកទៅរក្សាទុកនៅឯនាយសង្កាត់រដ្ឋបាលព្រៃឈើ។
ប្រភពពីលោកស្រីម្ចាស់រថយន្តដឹកធ្យូងបាននិយាយក្នុងការឡាយផ្ទាល់ថាក្រោយមកគាត់សុំបង់ត្រឹម៤០មុឺនរៀលដើម្បីបញ្ចាប់រឿងតែលោកមិនព្រមក៏មានការប្រកែកគ្នារហូតដល់មានអ្នកសារពត៌មានធ្វើការឡាយពេញនឹងតែម្តង។
ទាក់ទិនទៅនឹងការចោទប្រកាន់ពីម្ចាស់ឡានដឹកធ្យូងនេះដែរលោកវ៉ុនប៊ុនធឿននាយសង្កាត់រដ្ធបាលព្រៃឈើស្រុកអន្លង់វែងបានអះអាងតាមទូរស័ព្ទប្រាប់ឲ្យដឹងនៅល្ងាចថ្ងៃទី២៦ខែសីហាឆ្នាំ២០២២នេះថា នៅក្នុងហេតុការនៅត្រង់ចំណុចខាងលើនឹងលោកបាននៅកន្លែងកើតហេតុពិតប្រាកដមែនដោយឡែករឿងម្ចាស់ឡានបានចោទចង្អុលមកលោកថាជំរិតទាប្រាក់ពីគាត់ចំនួន១លានរៀលជាធ្នូរទៅនឹងការដោះលែងនោះលោកពុំទទួលយកនោះទេក្នុងនាមលោកគ្រងឯកសណ្ធានហើយចុះអនុវត្តន៏គឺធ្វើការងារតាមជាក់ស្តែង។
លោកនាយសង្កាត់រដ្ធបាលព្រៃឈើស្រុកអន្លង់វែងបានបញ្ជាក់បន្ថែមទៀតថា ក្រោយពីមានការប្រកែកគ្នាអស់ជាច្រើនម៉ោងកន្លងមកនៅថ្ងៃដដែលនោះខាងលោកស្រីជាម្ចាស់ឡានក៏មានកិច្ចអន្តរាគមន៏ពីខាងបងប្អូនដែលជាមន្ត្រីប៉ូលីសធ្វើការសម្របសម្រួលសុំឲ្យឡានដឹកធ្យូងដើម្បីធ្វើដំណើរទៅគោលដៅបន្តទៀត។
សូមបញ្ជាក់ថាលោកនាយសង្កាត់ក៏បានប្រាប់បន្តថា ក្នុងនាមលោកជាមន្ត្រីអនុវត្តន៏ច្បាប់បើកាលណាមានសមត្ថកិច្ចដូចគ្នាមកសុំអន្តរាគមន៏ចឹងលោកក៏មានការយោគយល់អធ្យាស្រ័យឲ្យគ្នាទៅវិញទៅមក បើសិនជាលោកចាប់យកទៅរក្សាទុកនៅសង្តាត់រដ្ធបាលព្រៃឈើគឺដូចធ្វើបាបប្រជាពលរដ្ឋចឹង ដូចនេះលោកក៏មានមនោសច្ចេតនាបានអនុញ្ញាតឲ្យរថយន្តនោះចេញដំណើរនៅព្រឹកថ្ងៃដដែលនេះហើយខាងម្ចាស់ឡានក៏បានធ្វើការសុំទោសបកស្រាយតាមក្លីបវីដេអូថាលោកនាយសង្កាត់ពិតជាពុំបានទាលុយពីគាត់ចំនួន១លាននោះទេមូលហេតុមកពីគាត់ខឹងក៏ចេះតែនិយាយទៅ។
