(បន្ទាយមានជ័យ)៖ លោកឧត្តមសេនីយ៍ត្រីបោនប៊ិន មេបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ទទួលបានអំណោយម៉ូតូចំនួន៥គ្រឿង ពីសប្បុរសជន ឥណ្ឌូណេស៊ី ដើម្បីប្រើប្រាស់នៅក្នុងអង្គភាព ក៏ដូចជាបម្រើកិច្ចការ ការពារសន្តិសុខ សុវត្ថិភាព ជូនពលរដ្ឋនៅមូលដ្ឋាន ។
ពិធីប្រគល់-ទទួល ធ្វើឡើងនៅទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ក្រោមអធិបតីលោក ឧត្តមសេនីយ៍ត្រី បោន ប៊ិន មេបញ្ជាការនារសៀលថ្ងៃទី១៥ ខែសីហា ឆ្នាំ២០២២នេះ។
ក្នុងពិធីទទួលម៉ូតូនោះដែរ៖លោកឧត្តមសេនីយ៍ត្រី បោន ប៊ិន មេបញ្ជាកាត ក៏បានថ្លែងអំណរគុណចំពោះសប្បុរសជន ជនជាតិ ឥណ្ឌូណេស៊ី ដែលបានផ្តល់ម៉ូតូទាំង៥គ្រឿងខាងលើ ជូនកងរាជអាវុធហត្ថខេត្តបន្ទាយមានជ័យ ដើម្បីប្រើប្រាស់ក្នុងអង្គភាពនឹងជូនពរដល់ម្ចាស់អំណោយ រកទទួលទានមានបាន មានសុខភាពល្អ និងជួបពុទ្ធិពរទាំង៤ប្រការ គឺ អាយុ វណ្ណះ សុខះ ពលះ កុំបីឃ្លៀងឃ្លាតឡើយ សូមអរគុណ។
