ខេត្តសៀមរាប ÷ ឈ្មួញរកស៊ីដឹកជញ្ជូនផលអនុផលដោយច្បាប់អនុញ្ញាតពីរនាក់ដែរមហាជនស្គាល់ឈ្មោះ ទី១. ឈ្មោះ យេង សុភក្ត្រា ទី២. ឈ្មោះ ខឿម ខួច ប្រចាំឃុំខ្វាវស្រុកជីក្រែង ខេត្តសៀមរាប ត្រូវជាប់សមត្ថកិច្ចហើយ។
កាលពី ថ្ងៃទី ៣១ ខែកក្កដាឆ្នាំ២០២២កន្លងមកមានការ ផ្ទុះអាវុធ ២គ្រាប់ខណះពេលមន្ត្រីអង្គការសម្ព័ន្ធមិត្តសត្វព្រៃនៅកកម្ពុជា និងមន្ត្រីអាវុធហត្ថលើផ្ទៃប្រទេសចុះបង្ក្រាបបទល្មើសដឹកជញ្ជូនឈើដោយខុសច្បាប់ នៅក្នុងភូមិសាស្ត្រភូមិអូរ ឃុំខ្វាវ ស្រុកជីក្រែង ខេត្តសៀមរាប ។
បើយោងតាមរបាយការណ៍របស់សមត្ថកិច្ចបានឲ្យដឹងថា តាមការសាកសួរក្រុមអ្នកដឹកឈើដែលមានឈ្មោះ ទី១ ឈ្មោះ យេង សុភក្ត្រាទី ២ ឈ្មោះ ខឿម ខួច អ្នកទាំង២នាក់រស់នៅភូមិជ្រៃ ឃុំខ្វាវ ស្រុកជីក្រែង ខេត្តសៀមរាប ។ ចំណែកក្រុមការពារព្រៃឈើ មានឈ្មោះ លោក អនុ/ត្រី ពិន សេងហា និង លោក នាយចំណង លី ចាន់រតនា អ្នកទាំងពីរជាមន្ត្រី របស់កងរាជអាវុធហត្ថលើផ្ទៃប្រទេស សហការជាមួយនិង អង្គការសម្ព័ន្ធមិត្តសត្វព្រៃនៅកម្ពុជា ខណៈពេលចុះបង្ក្រាបក៏បានផ្ទុះអាវុធ ២គ្រាប់ របស់ក្រុមអង្គការ ក្រោយការកាក់ស្ទាក់ ការដឹកជញ្ជូនឈើ ដោយក្រុមដឹកឈើមិនស្តាប់ និង មានការប្រវាយប្រតបគ្នាទើបមានផ្ទុះអាវុធ។
ក្រោយឃាត់ខ្លួនបានពិនិត្យឃើញមានគ្រឿងញៀនចំនួន២កញ្ចប់ នៅជាមួយក្រុមអ្នកដឹកឈើ ។
អនុសេនីយ៍ឯក ស៊ិន សុផល នាយប៉ុស្តិ៍នគរបាលរដ្ឋបាលខ្វាវ បានអោយដឹងថា ជនល្មើសនិងវត្ថុតាំងឈើត្រូវបានបញ្ជូនទៅបរិស្ថានថ្ងៃទី៣១ខែកក្កដាឆ្នាំ ២០២២ ដើម្បីចាត់ការបន្តតាមនិតិវិធី។បើតាមប្រភពពីប្រជាពលរដ្ឋថាមានក្រុមឈ្មួញជាច្រើននាក់ទៀត ដែលដឹកចេញពីទីតាំងខាងលើសូមសមត្ថកិច្ចដាក់ការស៊ើបអង្កេតបន្ថែមទៀតមិនមែនមានពីរនាក់នេះទេគឺមានក្រុមឈ្មួញច្រើន ដឹកទាំងយប់ទាំងថ្ងៃសុទ្ធឡាន៕
