កំពង់ឆ្នាំង ៖ ជនសង្ស័យប្រុសស្រីចំនួន៤នាក់ ត្រូវបាននគរបាលក្រុងកំពង់ឆ្នាំង ឃាត់ខ្លួន យោងតាមពាក្យបណ្តឹងរបស់ជនរងគ្រោះ ដោយចោទប្រកាន់ ថា បានលួចលុយដុល្លារពិតចំនួន១៧០០ដុល្លារ រួចប្តូរដាក់លុយដុល្លារសែនខ្មោច ចូលកាបូបវិញ ពេលជនរងគ្រោះទៅហាងម៉ាស្សា ។
បទល្មើស នេះ កើតឡើងកាលពីយប់ម៉ោង១២ ថ្ងៃទី៣១ ខែកក្កដា ឆ្នាំ២០២២ នៅចំណុចហាងម៉ាស្សាកោសជប់ យីហោឈ្មោះ 777 ស្ថិតក្នុងភូមិទី៣ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។
សមត្ថកិច្ច បានអោយដឹងថា ជនសង្ស័យមានគ្នា៤នាក់ រួមមាន ៖
១, ឆេន ធិន ភេទប្រុស អាយុ ២៣ឆ្នាំ (អ្នកលួចលុយដុល្លារពិតហើយប្ដូរដាក់លុយដុល្លារសែន) ។
២, ឆេន សារីន ភេទស្រី អាយុ ២៩ឆ្នាំ (អ្នកសមគំនិតលួច) ។
៣, ស៊ឹម នៀង ភេទស្រី អាយុ ២៤ឆ្នាំ (អ្នកសមគំនិតលួច) ។
៤, ទឹម ស្រីរ៉ីម ភេទស្រី អាយុ ២៤ឆ្នាំ (អ្នកសមគំនិតលួច) ។
ជនសង្ស័យទាំង៤នាក់ មានទីលំនៅភូមិពានី ឃុំក្រពុំឈូក ស្រុកកោះអណ្ដែត ខេត្តតាកែវ ។
បច្ចុប្បន្នជនសង្ស័យទាំង៤នាក់ រួមទាំងវត្ថុតាង ត្រូវបានឃាត់ខ្លួន ដើម្បីកសាងសំណុំរឿង តាមនីតិវិធី ៕
