ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាន នគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ លោក វរសេនីយ៍ទោ ភួងចន្ទ័តារា ស្នងការរង ជំនួយការដឹកនាំការិយាល័យនគរបាលព្រហ្មទណ្ឌកម្រិតស្រាល លោកឧត្ដមសេនីយ៍ត្រី នូ ជីវ័ន្ត ស្នងការរង ផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី ៣០ ខែ កក្កដា ឆ្នាំ ២០២២ វេលាម៉ោង ១២:០៤ នាទី នៅចំណុចភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ លោកវរសេនីយ៍ឯក ឈឿង គឹមសុង នាយការរិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងការិយាល័យជំនាញសហការជាមួយកម្លាំងនគរបាលព្រហ្មទណ្ឌកម្រិតធ្ងន់ ដែលដឹកនាំដោយ លោក វរសេនីយ៍ទោ វ៉ាន់ តារា ជានាយរងការិយាល័យ កម្លាំងអធិការដ្ឋាននគរបាលស្រុកបវេល ដែលដឹកនាំដោយលោក វរសេនីយ៍ឯក សុខ សារិន ជាអធិការ និង កម្លាំងអធិការដ្ឋាននគរបាលក្រុងប៉ោយប៉ែត ដែលដឹកនាំដោយលោក វរសេនីយ៍ឯក សៅ សារឿន ជាអធិការ ចុះប្រតិបត្តិការ បង្ក្រាបករណី លួច ( យកម៉ូតូ ) ០១ ករណី និងបានធ្វេីការនាំខ្លួនជនសង្ស័យ ០១ នាក់ ឈ្មោះ ផល រិទ្ធិ ហៅ ខ្លា ភេទប្រុស អាយុ ៣២ ឆ្នាំ មានទីលំនៅមិនពិតប្រាកដ មកកាន់ស្នងការដ្ឋាននគរបាលខេត្តបាត់ដំបង ។
កាលពីថ្ងៃទី ២៧ ខែ កក្កដា ឆ្នាំ ២០២២ វេលាម៉ោង ប្រហែល ២១:១០នាទី នៅចំណុចក្រុមទី០១ ភូមិបវេល១ ឃុំបវេល ស្រុកបវេល ខេត្តបាត់ដំបង ជនសង្ស័យខាងលើ បានធ្វើសកម្មភាព ចូលលួចយកម៉ូតូ ០១ គ្រឿងម៉ាក ហុងដាឌ្រីម ពណ៌ ខ្មៅ ស៊េរី ឆ្នាំ ២០២២ លេខតួ-ម៉ាស៊ីន 6206406 ពាក់ស្លាកលេខ កំពង់ចាម 1AB-7749 ដែលជារបស់ជនរងគ្រោះឈ្មោះ ឆុន រីមឆេង ភេទប្រុស អាយុ ៣៧ឆ្នាំ មានទីលំនៅ ភូមិគឹងណាយ ឃុំគឹងណាយ ស្រុកព្រៃឈរ ខេត្តកំពង់ចាម បច្ចុប្បន្នមកស្នាក់នៅបណ្តោះអាសន្នភូមិបវេល១ ឃុំបវេល ស្រុកបវេល ខេត្តបាត់ដំបង រួចជិះរត់គេចខ្លួនទៅក្រុងប៉ោយប៉ែតបាត់ រហូតដល់ថ្ងៃខែឆ្នាំ ខាងលើ ទើបកម្លាំងយើងសហការគ្នាឃាត់ខ្លួនជនសង្ស័យបាន ។
វត្ថុតាងដកហូតរួមមាន ៖
– ម៉ូតូម៉ាកហុងដាឌ្រីម ពណ៌ ខ្មៅ ស៊េរីឆ្នាំ ២០១៩ គ្មានស្លាកលេខ ០១ គ្រឿង
– ម៉ូតូម៉ាកហុងដាឌ្រីម ពណ៌ ខ្មៅ ស៊េរីឆ្នាំ ២០២២ គ្មានស្លាកលេខ ០១ គ្រឿង ( ជារបស់ជនរងគ្រោះ )
បច្ចុប្បន្ន ការិយាល័យជំនាញកំពុងធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
