(ឧត្តរមានជ័យ)នាព្រឹកថ្ងៃទី២២ខែកក្កដាឆ្នាំ២០២២ ឯកឧត្តម កែវ រតន: រដ្ធមន្ត្រី ប្រតិភូអមនាយករដ្ធមន្ត្រី ទទួលបន្ទុកអគ្គនាយកអគ្គិសនីកម្ពុជា អញ្ជើញជាអធិបតីដ៏ខ្ពង់ខ្ពស់ជួបសំណេះសំណាលសួរសុខទុក្ខដល់នាយ ពលទាហាន នាយពលនគរបាលសរុបប្រមាណជា៧០០នាក់ ស្តិតនៅត្រង់ចំណុចបរិវេណទីបញ្ជាការវរសេនាតូច៤២២សមរភូមិមុខទិសប្រាសាទតាមាន់ ស្រុកបន្ទាយអំពិល ខេត្តឧត្តរមានជ័យ។
ជាមួយគ្នានេះដែរឯកឧត្តម ឧត្តមសេនីយ៏ទោ ប៉ែន វ៉ូយ មេបញ្ជាការកងពលតូចថ្មើរជើងលេខ៤២ បានបញ្ជាក់ប្រាប់ឲ្យដឹងនៅថ្ងៃទី២២ខែកក្កដាឆ្នាំ២០២២ក្នុងអង្គពិធីនេះថា ស្ថិតក្នុងការបំពេញភារកិច្ច ជូនជាតិមាតុភូមិគឺពិតជាបានផ្តល់នូវកិត្តិយស ក្នុងការរិតចំណងសាមគ្គីភាព សម្ព័ន្ធមេត្រីភាព ក្នុងន័យជួយកសាងពង្រឹង ពង្រីកកងកម្លាំងប្រដាប់អាវុធឲ្យមានគុណភាព តាមរយះការហាត់ហ្វឹកហ្វឺន បំប៉នជំនាញឯកទេស ដោយម្ចាស់ការផង និងប្រសិទ្ធិភាពខ្ពស់ ដើម្បីធានាការពារ បូរណភាពទឹកដី ពិសេសការពារខ្សែបន្ទាត់ព្រំដែនជាក់ស្តែងតែម្តង ជាងនេះទៅទៀតត្រូវដឹងគុណស្ថាបនិក មគ្គុទ្ទេសក៏ឯកនិងប្រតិបត្តិករនយោបាយ ឈ្នះ ឈ្នះ របស់ប្រមុខរាជរដ្ធាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុនសែននាយករដ្ធមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនដែលនាំមកនូវសន្តិភាពនិងការឯកភាពជាតិពេញលេញផងដែរ។
ថ្លែងនៅក្នុងឪកាសនោះដែរ ឯកឧត្តម កែវ រតន: រដ្ធមន្ត្រី ប្រតិភូអមនាយករដ្ធមន្ត្រី ទទួលបន្ទុកអគ្គនាយកអគ្គិសនីកម្ពុជា ក៏បានមានប្រសាសន៏ផ្តាំផ្ញើរសួរសុខទុក្ខពីមន្ត្រីអគ្គិសនីកម្ពុជាទាំងអស់គ្នាទៅដល់បងប្អូនកងទ័ពគ្រប់រូបតំណាងដ៏ខ្ពង់ខ្ពស់ពីសម្តេច អគ្គសេនាបតី តេជោ ហ៊ុន សែននាយករដ្ធមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចជាកាលសម្តេចទាំងទ្វេលោកបានយកចិត្តទុកដាក់ ឧបត្ថម្ភគាំទ្រដល់ កងយោធពលខេមរ:ភូមិន្ទ ដោយចាត់ទុកថា វិស័យការពារជាតិជាវិស័យអាទិភាពខ្ពស់បំផុត ក្នុងការថែរក្សាការពារ សន្តិសុខ ការពារបូរណភាពទឹកដី ដើម្បីអភិវឌ្ឍន៏ ព្រះរាជាណាចក្រកម្ពុជា និងភាពសុខដុមរមនារបស់ប្រជាពលរដ្ធទូទាំងប្រទេសជាដើម។
សូមបញ្ជាក់ថា ឯកឧត្តម កែវ រតន: រដ្ធមន្ត្រី ប្រតិភូអមនាយករដ្ធមន្ត្រីទទួលបន្ទុកអគ្គនាយកអគ្គិសនីកម្ពុជាក៏បានថ្លែងបញ្ជាក់បន្ថែមថា អគ្គិសនីកម្ពុជាទោះបីជួបបញ្ហាការលំបាកខ្លះមួយចំនួនដោយសារភ្លើងឡើងថ្លៃបើធៀបទៅនឹងឆ្នាំទៅក្នុងការទិញធ្យូងថ្មពី ប្រទេសជិតខាងមានការឡើងថ្លៃជាបន្តបន្ទាប់ ដូចជាប្រទេសវៀតណាម ប្រទេសថៃនេះជាកត្តាចាំបាច់បំផុត។ហើយមួយវិញទៀតអគ្គិសនីកម្ពុជានិងក្រុមហ៊ុន អិល វ៉ាយ ភី គ្រុប ដែលបានចំណាយសំភារ: ថវិការជាច្រើនយកមកឧបត្ថម្ភដល់កងទ័ព នៅសមរភូមិព្រំដែនទោះបីស្ថិតក្នុងកាល:ទេស:លំបាកស្មុគស្មាញប្រទេសជាតិជួបនូវវិបត្តិសេដ្ធកិច្ចដោយសារជំងឺកូវីត១៩ជាជំងឺសាកលលោកកន្លងមកក៏ដោយ។
ឯកឧត្តមបន្តថាស្ថិតនៅក្នុងថ្ងៃនេះអគ្គិសនីកម្ពុជាក៏បាននាំយកមកនូវគ្រឿងឧបភោគ បរិភោគ បូករួមត្រីចក្រយាន្តកង់ជាច្រើន គ្រឿងផ្តល់ជូនដល់កងទ័ពក្នុងទីបញ្ជាការវរសេនាតូចលេខ៤២២សមរភូមិមុខប្រចាំទិសប្រាសាទតាមាន់និងកងកម្លាំងនគរបាលការពារព្រំដែនគោកលេខ៧០២រួមទាំងថវិការមួយចំនួផងដែរ។
