ចេញផ្សាយថ្ងៃទី២៣ខែកក្កដាឆ្នាំ២០២២
ស្វាយរៀង៖តាមប្រភពពីប្រជាពលរដ្ឋបានអោយដឹងថា!« នៅតាមបណ្តោយផ្លូវ៣១៩ ក្នុងសង្កាត់ព្រៃឆ្លាក់និងសង្កាត់ចេក ក្រុងស្វាយរៀង ខេត្តស្វាយរៀង មានទីតាំងល្បែងស៊ីសងប្រជល់មាន់អនឡញ បើកអោយភ្ញៀវចូលលេងបានយ៉ាងគគ្រឹកគគ្រេងសមត្ថកិច្ចពាក់ពន្ធ័ក្នុងមូលដ្ឋានធ្វើមិនដឹងមិនឮ»។
ប្រជាពលរដ្ឋបានបន្តទៀតថា!«គាត់មានការភ័យខ្លាចជាខ្លាំងដោយក្នុងមូលដ្ឋានរបស់ពួកគាត់សំបូរទៅដោយទីតាំងល្បែងស៊ីសងជាច្រើនកន្លែងបែបនេះ ហើយជារៀងរាល់ថ្ងៃឃើញមានអ្នកលេងចេញចូលតាំងពីព្រឹកដល់ល្ងាច»។
ប្រភពបានន្ថែមថា៖ «ល្បែងស៊ីសងគ្រប់ប្រភេទ ជាឫសគល់នៃបទល្មើសចោរកម្ម លួច ឆក់ ប្លន់ និង កេីត ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គមក៏ដូចក្នុងមូលដ្ឋានផងដែរ»។
ក្នុងករណីទាក់ទងនិងល្បែងស៊ីសងខាងលើនេះប្រជាពលរដ្ឋសំណូមពរយ៉ាងទទូចដល់លោក វរសេនីយ៍ទោ កែន រិទ្ធី អធិការក្រុងស្វាយរៀងលោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀងនឹងឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង
មេត្តា ចាត់កម្លាំងជំនាញ ចុះបង្ក្រាបទីតាំងល្បែងស៊ីសងខុសច្បាប់ប្រជល់មាន់អនឡាញខាងលើនេះ ដើម្បីឲ្យស្របតាម គោលនយោបាយភូមិ ឃុំ សង្កាត់មានសុវត្ថិភាព ទាំង៩ចំណុចរបស់រាជរដ្ឋាភិបាលដែលបានដាក់ចុះ ផងទាន។
សូមរំលឹកផងដែរថា កាលពីល្ងាចថ្ងៃពុធទី២០ខែកក្កដាឆ្នាំ២០២២ អង្គភាពយើងខ្ញុំបានរាយការជូនលោក កែន រិទ្ធី អធិការក្រុងតាមរយះទូរសព្ទ័លោកបានឆ្លើយថា«ចាំលោកទៅមើល»តែរហូតមកដល់ពេលនេះទីតាំងទាំងនោះនៅតែបន្តបើកលេងដដែល។
ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ។ សូមអរគុណ!
