(ឧត្តរមានជ័យ) ៖ ប្រជាពលរដ្ឋខ្មែរឥស្លាមរស់នៅភូមិដែលទើបបង្កើតថ្មីកើតទុក្ខមិនសុខចិត្តរឿងបញ្ហាកក់ប្រាក់ទិញដីគេចំនួនទឹកប្រាក់៥ពាន់ដុល្លារ(5000$)ក្នុងផ្ទៃដីទំហំ៣០០មគុណ៣០០មគិតជាផ្ទៃក្រឡាស្មើនិង៩ហិចតាក្នុង90000$(ប្រាំបួនមុឺនដុល្លារអាមេរិច)តែក្រោយមកម្ចាស់ដីនិងអ្នកទិញបានកើតជាទំនាស់គ្នាដោយស្រាយមិនចេញរហូតឡើងដល់តុលាការដែលមានទីស្ថិតនៅត្រង់ចំណុចភូមិគិរីវ័ន្តសែនជ័យ សង្កាត់កូនក្រៀល ក្រុងសំរោង ខេត្តឧត្តរមានជ័យ។
ប្រភពពីលោក ហ៊ ប៊ុនធឿន ប្រពន្ធឈ្មោះម៉ាត់សារ៉ស់រស់នៅភូមិគិរីវ័ន្តសែនជ័យ សង្កាត់កូនក្រៀល ក្រុងសំរោង ខេត្តឧត្តរមានជ័យបានអះអាងនិងបញ្ជាក់ឲ្យដឹងនៅល្ងាចថ្ងៃទី១៩ខែកក្កដាឆ្នាំ២០២២ថា រូបគាត់ពីអ្នកប្តីប្រពន្ធបានទិញដីមួយកន្លែងដែលមានទំហំទទឹង៣០០មគុណបណ្តោយ៣០០មគិតជាផ្ទៃក្រឡាស្មើទៅនឹងផ្ទៃដីចំនួន៩ហិចតាស្ថិតនៅភូមិគិរីវ័ន្តសែនជ័យដោយបានទិញពីឈ្មោះ នេត គឹមហាក់ នៅក្នុងតំលៃ90000$(ប្រាំបួនមុឺនដុល្លារ)នៅក្នុងអំឡុងឆ្នាំ២០១៩កន្លងទៅ ហើយក្រោយមកពួកគាត់ពីរនាក់ប្តីប្រពន្ធក៏បានកក់ប្រាក់លើកទី១ទៅឲ្យឈ្មោះនេត គឹមហាក់ប្រពន្ធឈ្មោះប៉ែន និមលរស់នៅភូមិគោកដូង ឃុំទឹកវិល ក្រុងសៀមរាប ខេត្តសៀមរាបចំនួន5000$(ប្រាំពាន់ដុល្លារ)ដែលមានធ្វើកិច្ចសន្យាកក់ប្រាក់ត្រឹមត្រូវកាលពីថ្ងៃទី១៤ខែ០៩ឆ្នាំ២០១៩ដោយភាគីទាំងសងខាងព្រមព្រៀងគ្នាដោយបានឲ្យប្រាក់ទៅភាគីខាងលោកនេតគឹមហាក់យកទៅរត់ការធ្វើប្លង់កម្មសិទ្ធដីហើយនៅពេលនោះដែរលោក នេត គឹមហាក់ក៏បានឲ្យរូបខ្លួនដែលបានកក់ប្រាក់ហើយធ្វើរៀបចំដីឲ្យស្អាតនិងដាក់ប្រជាពលរដ្ធរហូតមក ។ លុះដល់ឆ្នាំ២០២២មិនទាន់ឃើញធ្វើប្លង់កម្មសិទ្ធមកឲ្យខាងគាត់ទៀត ហើយក្រោយមកទៀតនៅលើកទី២ក៏ព្រមព្រៀមបានប្រគល់ប្រាក់ម្តងទៀតចំនួន25000$(ពីរមុឺនប្រាំពាន់ដុល្លារទៀតនៅសាលាខេត្តឧត្តរមានថ្ងៃទី១២ខែ០៥ឆ្នាំ២០២២ថ្មីនេះទៅឲ្យឈ្មោះនេតគឹមហាក់សរុបទាំងអស់ស្មើទៅនឹងទឹកប្រាក់សរុប(30000$)មកដល់សព្វថ្ងៃនេះក៏ខាងលោកមិនទាន់បានប្លង់ហើយក៏មានរឿងរ៉ាវគ្នារហូតឈានដល់ម្ចាស់ដីនឹងអ្នកទិញដាក់ពាក្យបណ្តឹងប្តឹងផ្តល់គ្នាដល់តុលាការថែមទៀតចឹងទេក្នុងនាមលោកជាអ្នកកក់ប្រាក់ទិញដីសូមស្នើរឲ្យអាជ្ញាធរជួយរកដំណោះស្រាយណាមួយដើម្បីបញ្ចប់រឿងរបស់ពួកគាត់។
លោកនេត គឹមហាក់ ដែលជាម្ចាស់ដីបានប្រាប់ឲ្យដឹងនៅថ្ងៃទី២០ខែកក្កដាឆ្នាំ២០២២ថា បញ្ហារឿងរូបលោកលក់ដីចំនួន៩ហិចតានៅត្រង់ចំណុចខាងលើនេះ កន្លងមកកាលពីអំឡុងឆ្នាំ២០១៩រូបលោកពិតជាបានលក់ដីទៅឲ្យឈ្មោះ ហ៊ ប៊ុន ធឿននិងប្រពន្ធឈ្មោះម៉ាត់សារ៉ស់ពិតប្រាកដមែនក្នុងតំលៃប្រាំបួនមុឺនដុល្លារមែនតែក្រោយមក៏បានទទួលលុយកក់៥ពាន់ដុល្លារហើយក្រោយមកទៀតលើកទី២នោះចំនួន២មុឺនប្រាំពាន់ដុល្លារទៀតដោយឡែកបន្ទាប់មកទៀតភាគីខាងលោកហ៊ប៊ុនធឿនមិនទាន់ប្រគល់លុយឲ្យគ្រប់ចំនួនផងហើយលោកក៏បានជីកស្រះនិងសាងសង់លំនៅឋានលើដីរបស់គាត់ហើយក៏មានរឿងរ៉ាងទំនាស់គ្នាជាបន្តបន្ទាប់ដោះស្រាយគ្នាមិនចេញនោះទេហើយបញ្ហារឿងលោកចោទទៅលើលោកហ៊ ប៊ុនធឿននោះវិញថាបានសាងសង់លើដីរបស់គាត់ក៏លោកមានឯកសារមកបញ្ជាក់ច្បាស់លាស់ដែរ។
បើតាមការឲ្យដឹងពីលោក ហួន វ៉ាន់និតអភិបាលរងខេត្តឧត្តរមានជ័យបានបញ្ជាក់ប្រាប់ឲ្យដឹងនៅថ្ងៃទី២០ខែកក្កដាឆ្នាំ២០២២ថា ក្នុងរឿងទំនាស់គ្នារវាងលោកហ៊ ប៊ុនធឿននិងលោកនេត គឹមហាក់ពាក់ព័ន្ធរឿងទិញដីលក់ដីនៅត្រង់ចំណុចខាងលើលោកពិតជាបានទទួលស្គាល់មែន ហើយកន្លងមកខាងខេត្តក៏បានអញ្ជើញពួកគាត់ទាំងសងខាងដើម្បីធ្វើការដោះស្រាយគ្នាក្រៅប្រព័ន្ធតុលាការការ តែពួកគាត់ទាំងពីរពុំព្រមទទួលស្គាល់ការដោះស្រាយពីអាជ្ញាធរខេត្តឲ្យបញ្ចប់រឿងនោះដែររហូតមានបណ្តឹងដល់តុលាការ។លោកអភិបាលរងខេត្តដដែលក៏បានបញ្ជាក់បន្ថែមថាក្នុងករណីរឿងនេះលោកក៏បានរាយការជូនលោកអភិបាលខេត្តដែរ ហើយលោកអភិបាលខេត្តក៏បានឆ្លើយតបមកវិញថានិងខិតខំព្យាយាមដោះស្រាយជូនពួកគាត់ក្នុងនាមរដ្ធបាលខេត្តនឹងរកពេលវេលានៅថ្ងៃណាមួយដោះស្រាយជូនពួកគាត់ឲ្យចប់នូវបញ្ហាទាំងនេះឲ្យខានតែបានកុុឲ្យមានរឿងវែងឆ្ងាយបន្តទៅមុខទៀត។
