(បន្ទាយមានជ័យ) ៖ ស្ត្រីម្នាក់ដោយសារទ្រាំលែងបាន ក៏ប្តឺងសមត្ថកិច្ចឲ្យឃាត់ខ្លួនប្តីដែលប្រើប្រាស់គ្រឿងញៀ.ន និងប្រើអំពើហិ.ង្សាលើប្រពន្ធនិងកូន និងត្រូវបានបញ្ជូនទៅសាលាដំបូងខេត្ត កាលពីថ្ងៃទី១៣ ខែកក្កដា ឆ្នាំ២០២២ ។
ជនរូបនេះមានឈ្មោះ ម៉ាប់ និមល អាយុ៣៣ឆ្នាំ ពុំមានមុខរបបពិតប្រាកដ រស់នៅក្នុងភូមិផ្សារកណ្តាល សង្កាត់ផ្សាកណ្តាល ក្រុងប៉ោយប៉ែត ។
បើតាមលោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត ថ្លែងថា ស្ត្រីឈ្មោះ សេង ម៉ាលីយ៉ា អាយុ២៦ឆ្នាំ រស់នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត បានប្តឹងបុរសជាប្តីឈ្មោះ ម៉ាប់ និមល ដែលបានប្រើប្រាស់គ្រឿងញៀន ហើយប្រើអំពើហិង្សាលើប្រពន្ធនិងកូនកាលពីថ្ងៃទី១១ ខែកក្កដា ឆ្នាំ២០២២ កន្លងទៅ ។
ក្រោយពីទទួលពាក្យបណ្តឹងនេះ កម្លាំងកងរាជអាវុធហត្ថក្រុងប៉ោយប៉ែត បានទៅឃាត់ខ្លួនជនឈ្មោះ ម៉ាប់ នីមល នៅរសៀលថ្ងៃទី១១ ខែកក្កដា ឆ្នាំ២០២២ នាំយកមកសាកសួរនៅបញ្ជាការដ្ឋានកងរាជអាវុធហត្ថក្រុងប៉ោយប៉ែត ។
លោក នួន នីណារ៉ូ ថ្លែងទៀតថា ក្រោយការសាកសួរ និងធ្វើតេស្ត គឺជនសង្ស័យពិតជាបានប្រើប្រាស់គ្រឿងញៀ.ន និងប្រើអំពើហិ.ង្សាលើប្រពន្ធនិងកូនមែន ហើយចំពោះមូលហេតុ គឺមកពីសុំលុយទៅទិញថ្នាំញៀ.នមិនបាន ៕សហការី
