ខេត្តស្វាយរៀង ៖ ឧត្តមសេនីយ៍ទោ កឹង ឃនស្នងការនគរបាលខេត្តស្វាយរៀងបានថ្លែងថាៈមន្ត្រីនគរបាល នៅតាមមូលដ្ឋាន គឺជាកំលាំងស្នូលរបស់រដ្ឋបាលខេត្ត ត្រូវធ្វើការទប់ស្កាត់ ប្រឆាំងតបរាល់បទល្មើសប៉ុនប៉ងធ្វើសកម្មភាពប្រឆាំងនិងការដឹកនាំរបស់រាជរដ្ឋាភិបាល រក្សាសន្តិសុខ សណ្តាប់ធ្នាប់ជូនពលរដ្ឋ និងអ្នកវិនិយោគដែលចូលមករកស៊ីនៅក្នុងភូមិសាស្ត្រខេត្តស្វាយរៀងក៏ដូចជាទូទាំងប្រទេស។ការថ្លែងបែបនេះក្នុងឱកាសលោកឧត្តមសេនីយ៍ទោស្នងការអញ្ជើញ ប្រកាសផ្ទេរភារកិច្ចតែងតាំងមុខតំណែង និងបំពាក់ឋានន្តសក្តិមន្ត្រីនគរបាលជាតិ នៃអធិការនគរបាលស្រុកស្វាយជ្រំ កាលថ្ងៃទី១២ ខែកក្កដា ឆ្នាំ២០២២ ដោយមានការអញ្ជើញចូលរួមពីលោក ហែម សារិទ្ធ អភិបាលស្រុក លោក លោកស្រីជាមេឃុំ ទាំង១៦ មន្ត្រីកងកំលាំងទាំង៣ និងមន្ត្រីជុំវិញសាលាស្រុកផងដែរ។
លោកឧត្តមសេនីយ៏ទោ បានសំដែងនូវការកោតសរសើរដល់ កម្លាំងប៉ុស្តិ៍នគរបាល ទាំងអស់ក្នុងស្រុក បើទោះជាកម្លាំងនៅមានចំនួនមិនឆ្លើយតប ទៅនិងស្ថានភាពភូមិសាស្ត្រស្រុក តែកន្លងមកកងកំលាំងយើងបានធ្វើការក្នុងស្មារតីទទួលខុសត្រូវខ្ពស់ ក្នុងបុព្វហេតុរក្សាសន្តិភាព និងសន្តិសុខ ជូនពលរដ្ឋ ពិសេសក្នុងពេលរដ្ឋាភិបាលបានធ្វើការបោះឆ្នោតក្រុមប្រឹក្សាឃុំសង្កាត់ ក្នុងស្មារតីទទួលខុសត្រូវចំពោះក្រសួងក៏ដូចជារដ្ឋបាលខេត្ត ប្រគល់ភារកិច្ចអោយអនុវត្ត ចូលរួមបង្ក្រាប់ ចោរកម្ម ការជួញដូរគ្រឿងញៀន ក្មេងទំនើង ល្បែងស៊ីសង ខុសច្បាប់ ។
លោកឧត្តមសេនីយ៏ទោ បានបញ្ជាក់ថា ការដែលអគ្គស្នងការការនគរបាលជាតិ ប្រគល់ការងារអោយស្នងការនគរបាលខេត្តមក ប្រកាសតែងតាំង និងផ្លាស់ប្តូរភារកិច្ចនគរបាលស្រុកនៅថ្ងៃនេះ គឺជាកិច្ចការផ្ទៃក្នុងរបស់អង្គភាពនិមួយៗតែប៉ុណ្ណុះ ពោលគឺអស់លោកមិនមានកំហុសអី ដែលត្រូវបានអង្គភាពដោះដូរនោះទេ ដូច្នេះអស់លោកត្រូវបន្តសាមគ្គីឯកភាពផ្ទៃក្នុងនិងក្រៅអង្គភាពបន្ថែម ទៀត ដើម្បីសម្រេចកិច្ចការការពារជាតិ រក្សាសន្តិសុខជូនពលរដ្ឋ ពិសេសអ្នកវិនិយោគ ដែលចូលមករកស៊ី បង្កើនការងារអោយពលរដ្ឋធ្វើស្រូបយកកំរ៉ៃពលកម្មធ្វើការអភិវឌ្ឃន៏គ្រួសារនិងសង្គមជាតិ ។
លោកឧត្តមសេនីយទោ បានជំរុញដល់មន្ត្រីប៉ុស្តិ៍នគរបាល ត្រូវចូលរួមជួយសម្រួល ការងារធ្វើឯកសារ សេវាសាធារណៈផ្សេងៗ ជូនដល់ពលរដ្ឋអោយបានឆាប់រហ័ស ហើយមិនត្រូវទុកចោល បន្តធ្វើអំពើល្អៗជាមួយពលរដ្ឋ ដោយភាពត្រឹមត្រូវ ទន់ភ្លន់ ស្លូតបូត ជាពិសេសត្រូវតែបំបាត់អំពើអយុត្តិធម៌ និងអំពើអាក្រក់ក្នុងសង្គម ដើម្បីធ្វើអោយពលរដ្ឋរស់នៅប្រកបដោយភាពកក់ក្តៅ ជាមួយសង្គមជាតិក្រោមការដឹកនាំដ៏ត្រឹមត្រូវរបស់ប្រមុខរាជរដ្ឋាភិបាល សម្ដេចអគ្គមហាសេនាបតីតេជោហ៊ុន សែន។ សូមបញ្ជក់ថា ការផ្ទេរភារកិច្ចនេះ លោកវរសេនីយ៍ទោ សោម សោភ័ណ ឡើងជាអធិការនគរបាលស្រុកស្វាយជ្រំ ជំនួសលោកវរសេនីយ៍ឯក ពិន អាន ជានាយការិយាល័យគ្រប់គ្រងសន្តិសុខឯកជន។
តែងតាំងមុខតំណែង ៖ អធិការរង ចំនួន ០៦ រូប បំពាក់ឋានន្ដរសក្ដិ វរសេនីយ៍ទោ ចំនួន ០៤ រូប វរសេនីយ៍ត្រី ចំនួន ០២ រូបផងដែរ ៕
