ខេត្តបន្ទាយមានជ័យ-ក្ក្រុងប៉ោយប៉ែត ៖ យោងតាមព័ត៌មានពីខេត្តកំពង់ធំបានអោយដឹងថា ករណីនេះ គឺទាក់ទិននឹងបណ្តឹងរបស់ឈ្មួញរកស៊ីឈើ និងមន្ត្រីបរិស្ថានដែលប្តឹងពីការជំរិតទារប្រាក់ (កំហែងយក)។ ចំណែកមន្ត្រីនគរបាលព្រហ្មទ័ណ្ឌកម្រឹតស្រាលខេត្តបន្ទាយមានជ័យ និងក្រុងប៉ោយប៉ែត បានស្រង់ចម្លើយរបស់ ហ៊ាង លីហាក់ ឆ្លើយសារភាពថា ឈ្មោះ នេះបានចេញពីខេត្តកំពង់ធំ មកក្រុងប៉ោយប៉ែត ខេត្តបន្ទាយមានជ័យ ជាង១០ថ្ងៃមុន ក្នុងខែមិថុនា ស្នាក់នៅបន្ទប់នៃផផ្ទះសំណាក់យីហោ(ប៉ូប៉ូ) ក្នុងបំណងគេចខ្លួនពីដីកាតុលាការ ដើម្បីអោយហួសពីសុពលភាព ចាំឲ្យមេធាវីចូលទៅធ្វើការជំនួសតែពេលនេះត្រូវចាប់ខ្លួន ។
យោងប្រភពព័ត៌មាននានានិងពីសមត្ថកិច្ចអោយដឹងថា ក្នុងអំឡុពេលគេចខ្លួនទៅស្នាក់នៅក្រុងប៉ោយប៉ែត ឈ្មោះ ហ៊ាង លីហាក់ មិនបានសម្ងំលាក់ខ្លួនអ្វីទេ ផ្ទុយទៅវិញបានចេញធ្ធ្វើដំណើរនិងបន្តសកម្មភាពផ្សេងៗ ជាធម្មតា រួមទាំងទាក់ទិននឹងយកព័ត៌មានដើម្បីប្រព្រឹត្តបទកំហែងយកថ្មីៗជាច្រើនករណីទៀតនៅ ខេត្តបន្ទាយមានជ័យផងដែរ ។
ប្រភពយោងបណ្តឹងរបស់លោកប្រធានមន្ទីរធម្មការនិងសាសនាខេត្តបន្ទាយមានជ័យបានអោយដឹងថ្ងៃទី១២ ខខែកក្កដា,ឆ្នាំ២០២២លោកក៏រងការកំហែងយកពីរឈ្មោះ ហ៊ាង លី ហាក់ រហរហស្សនាម (ជលសា)នេះផងដែរ។
លោកបន្តថា : ឈ្មោះ ហ៊ាង លីហាក់ បានប្រើប្រាសប្រព័ន្ធលេខទូរស័ព្ទមួយចំនួន រួមទាំងបណ្តាញសង្គមហ្វេសបប៊ុក (Messenger), Telegram ដើម្បីសួរលោករបៀបសួរចម្លើយ មិនមែនសួររបៀបសម្ភាសន៍បំភ្លឺព័ត៌មានឡើយ ។
ឈ្មោះ ហ៊ាង លីហាក់ ថាជាចាងហ្វាង, ជាអ្នកសារព័ត៌មាន ដូចជា ឆៃ វីរ:យុទ្ធ, និងប្តូរឈ្មោះទៅថ្មីៗជាច្រើនទៀត ព្រមទាំងបណ្តាញសង្គមដាក់ឈ្មោះ ស្វែងរកការពិតក្នុងសង្គម, លី ហាក់ហ៊ាង, ចំរើន រឹទ្ធ,. ជាដើម ក្នុងនោះសាម៉ីខ្លួនរូបនេះក៏ភ្ជាប់ខ្លួនទៅអង្គភាពរដ្ឋមន្ត្រី និងអង្គភាពសមាគមអ្នកសារព័ត៌មានមួយទៀតផងដែរ ។
ករណីចោទប្រកាន់ដូចខាងលើ ឈ្មោះ ហ៊ាង លីហាក់ បានឆ្លើយប្រាប់សមត្ថកិច្ចនគរបាល ដោយទទួលស្គាល់បទប្រព្រឹត្តល្មើសមួយចំនួននិងបដិសេធមួយចំនួន ។ ពោលគឺឈ្មោះ ហ៊ាង លីហាក់ នេះឆ្លើយដូច្នេះខណ:កម្លាំងនគរបាលនៃខេត្តទាំងពីរខាងលើបានផ្ទេរពីស្នងការដ្ឋាននគរបាលខេត្តបន្ទាយមានជ័យទៅស្នងការដ្ឋាននគរបាលខេត្តខេត្តកំពង់ធំ ដើម្បីបញ្ជូនបន្តទៅសាលាដំបូងខេត្តកំពង់ធំ កាលពីថ្ងៃត្រង់ថ្ងៃទី១២ ខែកក្កដា ឆ្នាំ២០២២ ៕
