មណ្ឌលគិរី ៖ បង្គោលព្រំដែនកម្ពុជាវៀតណាមក្នុងស្រុកកែវសីមាខេត្តមណ្ឌលគិរីមួយដើមកំពុងប្រឈមធ្លាក់ចូលទឹកអូរ ក្រោយពីមានភ្លៀងធ្លាក់ជាច្រើនថ្ងៃ។
លោក នួន សារ៉ន អភិបាលស្រុកកែវសីមា បា ឲ្យអ្នកសារព័ត៌មានដឹងនៅថ្ងៃទី១០ខែកក្កដាឆ្នាំ ២០២២ ថាលោកបានដឹកនាំក្រុមការងារស្រុកចុះពិនិត្យ ឃើញថា ទឹកអូរបានជន់ឡើងខ្លាំងបណ្តាលឲ្យបាក់ដីមាត់ច្រាំងខាងកម្ពុជាធ្វើឱ្យប៉ះពាល់ដល់បង្គលព្រំដែនដែលបានបោះរួច។
លោកអភិបាលស្រុកបន្តថា លោកបានរាយការណ៏ជូនដល់អាជ្ញាធរខេត្តហើយ។ជាប៉ុណ្ណោះអាសន្ន លោកបានចាត់ក្រុមការងារដើម្បីយកខ្សែទាក់ចងបង្គោលកុំឲ្យធ្លាក់ចូលទឹកអូរ។ប៉ុន្តែរហូតដល់ពេលនេះ ក្រុមការងារមិនទាន់អាចចូលទៅតំបន់នោះបានទេ ព្រោះមេឃនៅបន្តធ្លាក់ភ្លៀងខ្លាំង ។
ម្យ៉ាងទៀតទីតាំងនោះស្ថិតនៅចំណោតភ្នំខ្ពស់ៗ ព្រៃ គ្មានផ្លូវចូលដល់ទេ។
លោកអភិបាលស្រុកកែវសីមាបញ្ជាក់ថាបង្គោលព្រំដែនកម្ពុជាវៀតណាមនោះគឺលេខ ៦០/៣៨(១)ចំណុច UTM72079,1340735ស្ថិតលើព្រំដែនគោកអូរហ៊ុច ព្រំប្រទល់ប្រទេសកម្ពុជា-វៀតណាម ។
ក្រោយចុះទៅដល់ពិនិត្យឃើញថា បង្គោលលេខ៦០នេះ កំពុងរងផលប៉ះពាល់ខ្លាំង ដោយជំនន់ទឹកភ្លៀងធ្វើឲ្យ បាក់ដីហូរច្រោះជិតដល់បង្គោលហើយ ៕
