(ឧត្តរមានជ័យ) ប្រជាពលរដ្ធមួយគ្រួសារឈ្មោះជា សូរភេទប្រុសអាយុ៤៨ឆ្នាំប្រពន្ធឈ្មោះយឹម សូត្ររស់នៅភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ មានដីទំនាស់គ្នាជាមួយទាហានវរ៣៨៤ចំណុះឲ្យកងពលលេខ៨ដែលមានផ្ទៃដីទំហំ៥០០គុណ១០០មទទឹង១០០មបណ្តោយ៥០០មគិតជាផ្ទៃក្រឡា៥០០០០ម2ស្មើទៅនឹងចំនួន៦ហិចតាស្ថិតនៅត្រង់ចំណុចប្រាសាទក្រហម ជាប់ទៅនឹងជើងភ្នំស្ថិតនៅក្នុងឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។
ប្រភពពីលោកស្រី យឹម សូត្រដែលត្រូវជាប្រពន្ធឈ្មោះជា សូរ បានបញ្ជាក់ប្រាប់ឲ្យដឹងនៅថ្ងៃទី០៨ខែកក្កដាឆ្នាំ២០២២ថា នៅឆ្នាំ២០០៣គាត់បានមករស់នៅក្នុងភូមិត្រាំប៉ោងហើយក្រោយមកគាត់បានឃើញគេចាប់យកដីព្រៃរបស់រដ្ធធ្វើការអាស្រ័យផល ហើយពេលនោះគាត់ក៏ចំណាយលុយជួលគេដោះមីននិងកាប់ឆ្ការដីព្រៃយកមកធ្វើអាស្រ័យផលដូចគេដែរព្រោះគិតថាដីនៅព្រៃដុះជុំជិតនៅត្រង់ចំណុចប្រាសាទក្រហមចំនួន៣២ហិចតាដើម្បីធ្វើអាស្រ័យផលជាបណ្តោះអាសន្នដោយបានប្រើលុយអស់ប្រមាណជាជាងមួយមុឺនដុល្លារអាមេរិចផងដែរ។
លោកស្រីបន្តថា លុះក្រោយមកនៅឆ្នាំ២០០៨អាជ្ញាធរឃុំព្រះប្រឡាយបានទទួលស្គាល់និងចេញលិខិតពាក្យសុំកាន់កាប់ប្រើប្រាស់ដីធ្លីជូនមកគាត់បានចំនួនតែ៦ហិតាតែប៉ុណ្ណោះដើម្បីធ្វើការអាស្រ័យផលរហូតមក តែដល់ពេលនៅឆ្នាំ២០២០ពេលគាត់ចូលទៅធ្វើការអាស្រ័យផលលើដីនោះបន្តទៀតក៏ត្រូវខាងទាហានវរ៣៨៤កងពលលេខ៨នេះបានហាមមិនឲ្យគាត់ចូលកាន់កាប់លើដីនោះធ្វើការអាស្រ័យផលបន្តទៅទៀតរហូតមានទំនាស់គ្នាមកទល់សព្វថ្ងៃនេះដោះស្រាយមិនចេញដោយមេទាហានឈ្មោះរ៉ុមបានធ្វើការដោះដូរដីដែលគាត់មានលិខិតកាន់កាប់ឲ្យគាត់ទៅយកដីចំនួន១០ហិចតាវិញនៅចំណុចតាប្រាក់ព្រំប្រទល់ខេត្តព្រះវិហារហើយគាត់ពុំយល់ព្រមពីព្រោះគាត់គិតថាខ្លាចប៉ះចំដីមានបញ្ហាដូចដីដែលទំនាស់ជាមួយទាហានណាមួយដីនោះនៅក្រៅខេត្តទៀតដូចនេះក្នុងនាមពួកគាត់ជាប្រជាពលរដ្ធសូមស្នើរទៅដល់អាជ្ញាធរគ្រប់លំដាប់ថ្នាក់មេត្តាជួយរកដំណោះស្រាយជូនពួកគាត់ផង។
លោកមេឃុំព្រះប្រឡាយ ឈ្មោះ ថន បានប្រាប់ឲ្យដឹងកាលពីពេលថ្មីៗកន្លងទៅថា ដីរបស់ឈ្មោះជា សូរ ប្រពន្ធឈ្មោះយឹម សូត្រដែលទទួលស្គាល់ពីលោកមេឃុំចាស់លោក ទេព សារុន ចុះថ្ងៃទី០១ខែ០៨ឆ្នាំ២០០៨នោះលោកពិតជាទទួលស្គាល់ពិតប្រាកដមែនដោយឡែករឿងការដោះដូរដីរវាងទាហានដែលមានឈ្មោះរ៉ុមនៅវរ៣៨៤នោះលោកបានដឹងទាំងអស់ហើយកន្លងមកលោកក៏បានធ្វើការដោះស្រាយដោយផ្ទាល់មាត់គឺស្តាប់តែភាគីម្ខាងនិយាយយ៉ាងមិចគឺលោកដោះស្រាយតាមនិងហើយពីព្រោះក្នុងនាមលោកជាអាជ្ញាធរនៅតែព្យាយាមសម្រួលដើម្បីបញ្ចប់រឿង។
បើតាមការបញ្ជាក់ពីលោក រ៉ុម ដែលជាមេទាហាននៅវរ៣៨៤កងពលលេខ៨បានប្រាប់ឲ្យដឹងតាមទូរស័ព្ទថា ចំពោះដីដែលឈ្មោះជា សូរប្រពន្ធឈ្មោះយឹមសូត្រដែលពួកគាត់មានលិខិតស្នាមពីលោកមេឃុំចាស់នោះត្រូវបាននរាករតាំងពីឆ្នាំ២០១៨មកម្លេះតែក្នុងនាមលោកបានយោគយល់ដល់ប្រជាពលរដ្ធដែលបានធ្វើការអាស្រ័យផលកន្លងមកលោកក៏បានស្នើរសុំទៅថ្នាក់លើដើម្បីធ្វើការដោះស្រាយជូនប្រជាពលរដ្ធទៅ ហើយកន្លងមកដីនៅត្រង់ចំណុចប្រាសាទក្រហមនេះដែរក៏មានទំនាស់គ្នាជាមួយប្រជាពលរដ្ធចំនួន២៥គ្រួសារហើយក៏បានធ្វើការដោះស្រាយគ្នាចប់អស់ហើយ។តែដល់ពេលនៅឆ្នាំ២០២០ក៏មានឈ្មោះជា សូរមកមានទំនាក់ដីជាមួយខាងទាហានបន្តទៀត ហើយនៅក្នុងការដោះស្រាយនេះក៏លោកព្យាមឲ្យមេបញ្ជាការរងដោះស្រាយដោះដូរដីឲ្យទៅគាត់កន្លែងផ្សេងដែរនៅចំណុចតាប្រាក់តែគាត់មិនយល់ស្របតាមពីព្រោះដីកន្លែងមានទំនាស់នេះគឺមានអនុក្រឹតច្បាស់លាស់ពីថ្នាក់លើឲ្យទាហានជាអ្នកគ្រប់គ្រងនាពេលបច្ចុប្បន្ននេះ។
