កំពង់ចាម ÷ ទីតាំងល្បែងស៊ីសងជល់មាន់និងអាប៉ោងដុះស្លែមួយកន្លែង ស្ថិតនៅភូមិឫស្សីស្រុក ឃុំឫស្សីស្រុក ស្រុកស្រីសន្ធរ ខេត្តកំពង់ចាមបើកលេងយ៉ាងរលូនដោយពុំមានអាជ្ញាធរនិងសមត្ថកិច្ចណាធ្វើការហាមឃាត់ឡើយ។ ជាពិសេស លោក ប៉ាក សុជាតិ អធិការរដ្ឋាននគរបាលស្រុកស្រីសន្ធរ បានរក្សាភាពយ៉ាងស្ងៀមស្ងាត់ ព្រោះខ្លាចបែកឆ្នាំងបាយខ្លួន ។
តាមប្រភពបានឲ្យដឹងថាល្បែងសីសងខាងលើគេតែងតែផ្លាស់ប្តូរទីតាំងពីភូមិមួយទៅភូមិមួយ ហើយរាល់ថ្ងៃនេះ គេមកដាក់ទីតាំងលេងនៅភូមិឫស្សីស្រុក ស្រីសន្ធរវិញម្តង។
ប្រភពបានបន្តថា ទីតាំងជល់មាន់ ខាងលើ គេបើកលេងជារៀងរាល់ថ្ងៃ ដោយមានអ្នកចូលលេងម្ដុំគ្នាយ៉ាងច្រើន កុះករ អ្នកខ្លះលេងចាញ់ឈ្នះមួយគូៗ រាប់លាន រៀល អ្នកខ្លះអស់លុយ អ្នកខ្លះអស់ម៉ូតូ ចាញ់បោសគូទខោមកដល់ផ្ទះ ប្រពន្ធរអ៊ូរទាំជេរគ្នាដាក់បណ្តាសារគ្នា ទើបបង្កជាហេតុមានការជម្លោះក្នុងសង្គមគ្រួសារ ។
នាពេលកន្លងម កសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃធ្លាប់ដាក់បទបញ្ជាឲ្យមន្ត្រីនគរបាលពាក់ព័ន្ធទូទាំងប្រទេសត្រូវតែបង្ក្រាបរាល់បទល្មើសល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយដើម្បីធានាសុខសុវត្ថិភាពជួនប្រជាពរដ្ឋឲ្យស្របតាមគោលនយោបាយ ភូមិ ឃុំមានសុវត្តិភាពទាំង៧ចំណុចរបស់រាជរដ្ឋាភិបាលដែលដាក់ចេញ ដោយក្រសួងមហាផ្ទៃ ។ តែលោក ប៉ាក សុជាតិ អធិការរដ្ឋាននគរបាលស្រុកស្រីសន្ធរកំពុងផ្កើនទៅនិងអនុសាសន៍ ប្រមុខថ្នាក់ដឹកនាំដែលដាក់បទបញ្ជាឲ្យអនុវត្តន៍។
ហេតុនេះហើយប្រជាពលរដ្ឋស្នើសុំដល់លោកអភិបាល នៃគណៈអភិបាលខេត្ត កំពង់ចាមនិងលោកស្នងការនគរបាល ខេត្ត កំពង់ចាម មេត្តាចាត់វិធានការទប់ស្កាត់នៅល្បែងខាងលើផងទានផងទាន ។
រាល់ការចុះផ្សាយបើអង្គភាពយើងខ្ញុំធ្វើការចុះផ្សាយដោយភាពមិនប្រក្រតីណាមួយផ្ទុយពីការពិតយើងខ្ញុំរងចាំការបំភ្លីពីអាជ្ញាធរពាក់ព័ន្ធរាងរាល់ម៉ោងធ្វើការ៕
