ខេត្តស្វាយរៀង៖ថ្មីៗនេះបែកធ្លាយអំពើពុករលួយរបស់នគរបាលច្រកទ្វារអន្តរជាតិបាវិតដែលមានលោកឧត្តមសេនីយ៍ត្រីខាត់សារ័ត្នជានាយប៉ុស្តិ៍ដោយបើកដៃឲ្យកូនចៅប្រមូលយកលុយពីពលរដ្ឋខ្មែរក្នុង១នាក់១០០ដុល្លា(សំរាប់អ្នកអត់មានប៉ាស្ព័រឆ្លងដែន) បើអ្នកមានប៉ាស្ព័រត្រូវបង់លុយថ្លៃវាយត្រាចេញ២០ដុល្លានិងចូលមកវិញ២០ដុល្លាក្នុង១នាក់ ។
ដោយយោងតាមប្រភពបែកធ្លាយ បានអោយដឹងថា (ចំពោះអ្នកដំណើរជាតិនិងអន្តរជាតិជាពិសេសពលរដ្ឋខ្មែរដែលត្រូវទៅពិនិត្យសុខភាពនិងព្យាបាលជំងឺនៅ”ក្រុងហូជីមិញ”ប្រទេសវៀតណាមបាននាំគ្នារអ៊ូរទាំពេលឆ្លងកាត់តាមច្រកទ្វារព្រំដែនអន្តរជាតិបាវិត”សំរាប់អ្នកអត់មានលិខិតឆ្លងដែន(ប៉ាស្ព័រ)”គឺដោយត្រូវចំណាយប្រាក់អស់ច្រើនរាប់រយ(ដុល្លារ)ក្នុងម្នាក់ៗដោយមិនទាន់បូករួមជាមួយតម្លៃថ្លៃឈ្នួលរថយន្ត។ប្រភពឲ្យដឹងទៀតថាបើអ្នកមានលិខិតឆ្លងដែន(ប៉ាស្ព័រ)ក៏ត្រូវចំណាយលើសេវាបោះត្រាពេលចេញទៅវៀតណាម១នាក់.២០$និងត្រលប់ចូលប្រទេសកម្ពុជាវិញត្រូវចំណាយ២០$ទៀតសំរាប់ថ្លៃវាយត្រា។សូមបញ្ជាក់ថានេះគ្រាន់តែតំលៃសំរាប់រត់ការបង់ប្រាក់អោយនគរបាលច្រកទ្វារអន្តរជាតិបាវិតតែប៉ុណ្ណោះនៅមិនទាន់បានបួនរួមថ្លៃឈ្នួលរថយន្តផង។
ក្នុងនោះទៀតសោត បើតាមអ្នកបើករថយន្តស៊ីរ៉ែនពេទ្យបានអះអាងថាៈជារៀងរាល់លើកខ្លួនដឹកភ្ញៀវពីកម្ពុជាទៅក្រុងហូជីមិញប្រទេសវៀតណាមគឺយកប្រាក់ឈ្នួលថ្លៃឡានក្នុងម្នាក់ៗ១០០$បើអ្នកអត់លិខិតឆ្លងដែន(ប៉ាស្ព័រ)ហើយត្រូវបង់ចំនួន១០០$បន្ថែមទៀតសម្រាប់យកទៅរត់ការបង់ជូននគរបាលច្រកទ្វារព្រំដែនអន្តរជាតិបាវិតក្រោមការគ្រប់គ្រងរបស់លោកខាត់សារ័ត្នអញ្ចឹងសរុបទាំងទៅវៀតណាមនិងត្រឡប់មកខ្មែរវិញក្នុងម្នាក់ៗអស់៤០០$។
ដោយឡែកអ្នកបើករថយន្តតាកស៊ីកម្ពុជាដែលសាងបន្តជាមួយរថយន្តតាកស៊ីវៀតណាមបានលើកឡើងថាៈជារៀងរាល់លើកពួកខ្លួនដឹកភ្ញៀវពីកម្ពុជាទៅ”ក្រុងហូជីមិញ”យកថ្លៃពីភ្ញៀវក្នុងម្នាក់ៗ៥០$សម្រាប់អ្នកមាន(ប៉ាស្ព័រ)ពេលចេញទៅ១ជើងលុះត្រឡប់មកវិញ៥០$ទៀត។គាត់បញ្ជាក់ទៀតថាសំរាប់ថ្លៃឈ្នួលរថយន្តទាំងកម្ពុជា-វៀតណាមអស់ម្នាក់ៗ២៥$រីឯ២៥$ទៀតសម្រាប់យកទៅរត់ការបង់លុយឱ្យនគរបាលច្រកទ្វារព្រំដែនបាវិត។
អ្នកតាក់សុីបន្តថាបើសំរាប់អ្នកអត់មាន(ប៉ាស្ព័រ)គឺកំណត់យកចំនួន១២៥$ក្នុងម្នាក់ៗសម្រាប់មួយជើងលុះពេលត្រឡប់មកវិញយក១២៥$ទៀត។
អ្នករត់តាកស៊ីៈការកំណត់យកលុយពីភ្ញៀវច្រើនបែបនេះគឺមិនមែនដោយសារតម្លៃឈ្នួលរថយន្តខ្ពស់នោះទេពោលគឺៈខ្លួនត្រូវរត់ការបង់លុយឱ្យនគរបាលព្រំដែនទាំងខាងកម្ពុជា-និងវៀតណាមដែលនៅប្រចាំច្រកទ្វារព្រំដែនអន្តរជាតិបាវិតអស់ចំនួន១០០$ក្នុងភ្ញៀវម្នាក់ៗលុះមកវិញបង់១០០$ទៀតក្នុងម្នាក់ៗទៀត។
រីឯបុគ្គលិក”រថយន្តក្រុង”ប្រាប់ថាៈតាមធម្មតាក្រុមហ៊ុនខ្លួនដែលដឹកភ្ញៀវពីភ្នំពេញទៅ”ក្រុងហូជីមិញ”គឺក្នុងម្នាក់ៗចំនួន១៥$ប៉ុន្តែក្រុមហ៊ុនត្រូវបង្ខំចិត្តលក់សំបុត្រឱ្យភ្ញៀវរហូតដល់៣៥$ក្នុងម្នាក់ដោយដក២០$សម្រាប់រត់ការបង់ឱ្យនគរបាលច្រកទ្វារព្រំដែនបាវិត។គាត់បន្តថាៈបើករណីអ្នកអត់(ប៉ាស្ព័រ)ទៅក្រុងហូជីមិញអស់៧៥$មកវិញអស់៧៥$ទៀត។
តាមការសង្កេតបានអោយឃើញថាក្នុង១ថ្ងៃៗគឺមានភ្ញៀវជាតិនិងភ្ញៀវអន្តរជាតិបានធ្វើដំណើរចេញ-ចូលប្រទេសវៀតណាមរាប់រយរាប់ពាន់អ្នកចឹងហើយអាចបញ្ជាក់បានថាលោកឧត្តមសេនីយ៍ត្រីខាត់សារ័ត្ននាយប៉ុស្តិ៍ច្រកទ្វារអន្តរជាតិបាវិតអាចរកចំនូល”ក្រៅផ្លូវការ”រាប់មុឺនដុល្លាក្នុង១ថ្ងៃៗទុកក្នុងហោប៉ៅផ្ទាល់ខ្លួននិងទុកចែកបក្ខពួកធ្វើមានធ្វើបាន។
សូមបញ្ជាក់ថាចំពោះករណីបែកធ្លាយនេះគ្រាន់តែទទួលព័ត៌មានច្បាស់ការណ៍តែម្ខាងប៉ុណ្ណោះដែលយើងពុំទាន់អាចសន្និដ្ឋានថាជាការពិតឬយ៉ាងណានោះទេ.?ហើយអង្គភាពយើងរង់ចាំបកស្រាយបំភ្លឺពីសាម៉ីខ្លួនរៀងរាល់ម៉ោងធ្វើការដើម្បីផ្សាយលម្អិតនៅលេខក្រោយទៀត!។
នៅព្រឹកថ្ងៃទី០៤ខែមិថុនាឆ្នាំ២០២២នេះលោកខាត់សារ័ត្ននាយប៉ុស្តិ៍នគរបាលច្រកទ្វារព្រំដែនអន្តរជាតិបាវិតសារព័ត៌មានយើងមិនអាចស្វែងរកការបំភ្លឺបានទេដោយសារគ្មានលេខទូរស័ព្ទទំនាក់ទំនង។
រីឯលោកប្រាក់អង្គាវិសាលនាយរងប៉ុស្តិ៍នគរបាលច្រកទ្វារព្រំដែនអន្តរជាតិបាវិតក៏សារព័ត៌មានមិនអាចសុំការបំភ្លឺបានដូចគ្នាដោយសារខលមិនចូល ។ ដូច្នេះអង្គភាពយើងខ្ញុំរង់ចាំការបំភ្លឺរៀងរាល់ម៉ោងធ្វើការ។
ជុំវិញករណីនេះដែរមហាជនសូមស្នើនាយឧត្ដមសេនីយ៍គៀតច័ន្ទថារិទ្ធអគ្គនាយកដ្ឋានអន្តោរប្រវេសន៍ក្រសួងមហាផ្ទៃជាពិសេសសម្ដេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃជួយត្រួតពិនិត្យចំពោះសកម្មភាពរបស់លោកខាត់សារ័ត្នរួមនិងមន្ត្រីក្រោមឱវាទដែលកំពុងផ្ទុះការរិៈគន់ថាៈបានប្រព្រឹត្តអំពើពុករលួយគាបយកលុយពីការធ្វើដំណើរបណ្ដាលឲ្យជះឥទ្ធិពលអាក្រក់ប៉ះពាល់សតិអារម្មណ៍ភ្ញៀវជាខ្លាំង៕
