(ព្រះវិហារ) : កាន់តែក្តៅដូចបាយពុះ ក្រោយពីមានប្រតិកម្មពីសំណាក់ លោក វុធ សាវី ព្រះរាជអាជ្ញារងនឹងជាអ្នកនាំពាក្យអមសាលាដំបូងខេត្តព្រះវិហារ ស្តីពីក្រុមឈ្មួញមួយចំនួនតូចយកឈ្មោះរបស់លោក ទៅកាងបទល្មើសដឹកឈើខុសច្បាប់ លោក វុធ សាវី បានអោយដឹងថា មានក្រុមឈ្មួញទុចរិតមួយចំនួនបានយកឈ្មោះរបស់លោកទៅប្រព្រិតរកស៊ីបទល្មើសខុសច្បាប់នឹងបានធ្វើអោយមហាជនមួយចំនួន មានការយល់ច្រលំមកលើរូបលោក លោក វុធ សាវី បានបញ្ជាក់យ៉ាងច្បាស់ថា រូបលោកមិនដែលមានបងប្អូនឬសាច់ញាតរកស៊ីបទល្មើសព្រៃឈើខុសច្បាប់លើយ លោកថា ត្រឹមអាហាហូបចុក1ថ្ងៃ3ពេលនឹងរបស់ប្រើប្រាស់មួយចំនួន លោកអាចមានសមត្ថភាព មិនបាច់ទៅរកស៊ីរបរខុសច្បាប់លើយ ជាមួយគ្នានោះផងដែរ លោក វុធ សាវី បានស្នើសុំអោយលោកប្រធានមន្ទីរបរិស្ថានខេត្ត នឹងលោក នួន សុខុម នាយខណ្ឌ័រដ្ឋបាលព្រៃឈើបង្ក្រាបបទល្មើសព្រៃឈើអោយប្រសិទ្ឋភាពផងនឹងបានស្នើដល់អ្នកសាព័ត៍មានអោយជួយតាមដាននឹងប្រម៉ាញ់រូបភាពរួចរាយការណ៍ជូនលោកទោះពេលណាឬម៉ោងណាក៍ដោយ លោកនឹងមានចំណាត់ការអោយមានប្រសិទ្ឋភាព ។
លោក ស៊ុំ សុវុត្ថា នាយផ្នែករវៀង បានអោយដឹងថាក្រោយពីទទួលបានបទបញ្ជាពីលោកប្រធានមន្ទីរកសិកម្មនឹងបទបញ្ជារបស់លោក នួន សុខុម នាយខណ្ឌ័រដ្ឋបាលព្រៃឈើព្រះវិហារលោកបានចាត់មន្ត្រីជំនាញក្រោមឱវ៉ាតចុះទៅដល់ចំនុចភូមិកោះកំពង់លួងឃុំរស្មី ស្រុករៀង ខេត្តព្រះវិហារ នៅវេលាម៉ោង12នឹង32នាទីថ្ងៃទី01 ខែមិថុនា កម្លាំជំនាញបានជួបរថយន្តដឹកឈើរបស់មេឈ្មួញឈ្មោះ ព្រុំ វុទ្ឋី ហៅ (ធី ពុករលួយ ) ពេលនោះកម្លាំងជំនាញបានធ្វើសញ្ញាបញ្ជាអោយរថយន្តឈប់ តែរថយន្តដឹកឈើនេះបានបន្ថែមល្បឿនទៅមុខ តែកម្លាំងជំនាញបានយករថយន្តពាំងពីមុខទើបរថយន្តដឹកឈើនេះព្រមឈប់ លោក ស៊ុំ សុវុត្ថា បានបន្តអោយដឹងថា ការចុះបង្ក្រាបរថយន្តដឹកឈើរបស់ឈ្មួញជើងខ្លាំងខាងលើ ប្រឈមនឹងហានិភយ័ណាស់ ប្រឈមដល់អាយុជីវិតទៀតផង ពេលខ្លះត្រូវរថយន្តដឹកឈើកៀរធ្លាក់ផ្លូវក៍មាន លោកបានសំណូមពរទៅដល់កងកម្លាំងប្រដាប់អាវុធសូមចូលរួមសហការជាមួយកម្លាំងជំនាញផង បើពឹកផ្អែកលើកម្លាំងជំនាញមិនអាចបង្ក្រាបបទល្មើសមានប្រសិទ្ឋភាពលើយ ។
មេឈ្មួញឈ្មោះ ព្រុំ វុទ្ឋី ជាមេឈ្មួញជើងខ្លាំងប្រចាំខេត្តព្រះវិហារ ជាង10ឆ្នាំមកហើយ មិនសូវមានសមត្ថកិច្ចណាហ៊ានបង្ក្រាបរថយន្តដឹកឈើរបស់គេលើយ ព្រមទាំងប្រមាថជេរបញ្ចោមើលងាយដល់អ្នកសាព័ត៍មានណាដែលហ៊ានតាមប្រម៉ាញ់ឬរាយការណ៍ដល់សមត្ថកិច្ចពីការដឹកឈើល្មើសច្បាប់របស់គេ ។
សូមបញ្ជាក់ជូនផងដែរថា នៅមានមេឈ្មួញជើងខ្លាំងផ្សេងៗជាច្រើនទៀត ដែលកំពង់ធ្វើសកម្មភាពដឹកជញ្ជូនឈើចេញពីស្រុកជយ័សែននឹងស្រុករវៀង យកទៅលក់អោយដេប៉ូចែអូននៅខេត្តកំពង់ធំ ក្នុងនោះមានមេឈ្មួញឈ្មោះខ្លា ក៍មិនណយដែរ ដោយសាមេឈ្មួញឈ្មោះខ្លានេះ មានលោកឧត្តមសេនិយ៍ផ្កាយ1កាងពីក្រោយ មហាជនរង់ចាំមើលថា តើសមត្ថកិច្ចហ៊ានបង្ក្រាបរថយន្តដឹកឈើឈ្មោះខ្លានេះដែរទេ តែមួយរយះនេះមិនទាន់មានសកម្មភាពទេ រថយន្តដឹកឈើមេឈ្មួញឈ្មោះខ្លា នេះ ។
វត្ថុតាងមានឈើនឹងរថយន្ត ត្រូវបានរឹបអូសយកមករក្សាទុកនៅផ្នែករដ្ឋបាលព្រៃឈើរវៀង ដើម្បីចាត់ការបន្តទៅតាមនិតិវិធីច្បាប់ ៕
