ខេត្ដបន្ទាយមានជ័យ៖ ជនសង្ស័យមួយរូប ត្រូវបានសមត្ថកិច្ចឃាត់ខ្លួន កាលពីថ្ងៃអង្គារ ៩រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៤ ខែ ឧសភា ឆ្នាំ២០២២ វេលាម៉ោង ១និង០០នាទីយប់ ដោយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងប៉ោយប៉ែត ដឹកនាំដោយលោកវរសេនីយ៍ឯក សៅ សារឿន អធិការ បានចុះបង្ក្រាបករណីជួញដូរដោយខុសច្បាប់នូវសារធាតុញៀន ។
ជនសង្ស័យមានឈ្មោះ អៀង រ៉ន ភេទប្រុស អាយុ ២៣ឆ្នាំ ។
ក្នុងនោះ សមត្ថកិច្ចដកហូតវត្ថុតាងបានរួមមាន៖
១.ម្សៅម៉ត់សថ្លា សង្ស័យជាសារធាតុញៀនចំនួន ១៣៦កូនថង់
២.ថ្នាំគ្រាប់ពណ៍ផ្កាឈូក មានរូប(ស្តុបប៊ឺរី)ចំនួន ៥១គ្រាប់
៣.ថ្នាំគ្រាប់ពណ៍ផ្ទៃមេឃ មានអក្សរ V l ចំនួន ៣៧ គ្រាប់
៤.ថ្នាំគ្រាប់ពណ៍ប៉ៃតងមានរូប ម្គុដពីលើ ចំនួន ១៤ គ្រាប់
៥.ថ្នាំគ្រាប់ពណ៍ផ្កាឈូកមានរូបម្គុដពីលើ ចំនួន ១៨ គ្រាប់
៦.ថ្នាំគ្រាប់សំបកពណ៍ឈាមជ្រូកចំនួន ១០ គ្រាប់
៧.ថ្នាំកញ្ចប់ពណ៍ខៀវចំនួន ១៥ កញ្ចប់
៨.ថ្នាំកាហ្វេសប្បាយចំនួន ០១ កញ្ចប់
៩.ថ្នាំយិន សុីន០១កញ្ចប់។
១០.ថ្នាំហែមមើ(HER MES)ចំនួន០៤កញ្ចប់
១១.ហឹបដែកចំនួន ០១។
បច្ចុប្បន្ន ជនសង្ស័យនិងវត្ថុតាងសមត្ថកិច្ចជំនាញបានកសាងសំណុំរឿងបញ្ជូនទៅស្នងការដ្ឋាននគរបាលខេត្តបន្ទាយមានជ័យ៕
