កាលពីថ្ងៃទី១២ ខែឧសភា ឆ្នាំ២០២២ វេលាម៉ោង ០៤ម៉០០នាទីទៀបភ្លឺ កម្លាំងផ្នែកអន្តរគមន៍ នៃអធិការដ្ឋាននគរបាលខណ្ឌមានជ័យ ធ្វើការល្បាតពួនស្ទាក់ក្នុងមូលដ្ឋានមកដល់ចំណុចហាងសាំងតេលា ផ្លូវបេតុង ភូមិភ្នាត សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ (កន្លែងកើតហេតុ) ប្រទះឃើញជនសង្ស័យចំនួន ០២នាក់ឈ្មោះ ណាល់ ចាន់ណា ហៅ ខ្មោច ហៅ ភ័ក្ត្រ ភេទ ប្រុស អាយុ ២៩ ឆ្នាំ និងឈ្មោះ សែន ពេជ្រ ភេទ ប្រុស អាយុ ២៧ ឆ្នាំ កំពុងឈប់អង្គុយលើម៉ូតូ ០១គ្រឿងម៉ាក មីអូ ពណ៌ខ្មៅ ពាក់ស្លាកលេខ ភ្នំពេញ ១FU-៦៧៦៩ ។ មានការសង្ស័យក៏បានហៅធ្វើការត្រួតពិនិត្យឆែកឆេររកឃើញឧបករណ៍សម្រាប់កាច់សោរកម៉ូតូមួយចំនួនដូចជា : ដែកចុងស្រួចចំនួន ០១, សោរទីបលេខ៨ចំនួន ០១, ដែកលួសសរសៃចំនួន ០១កំណាត់, ទូរស័ព្ទដៃចាស់ចំនួន ០១គ្រឿងម៉ាកវីវ៉ូ ពណ៌ខ្មៅ នៅជាប់លើខ្លួនជនសង្ស័យឈ្មោះ ណាល់ ចាន់ណា ឃើញដូចនោះកម្លាំងសមត្ថកិច្ចយើងបានឃាត់ខ្លួនជនសង្ស័យទាំង ០២នាក់ខាងលើយកមកសាកសួរនៅស្នាក់ការប៉ុស្តិ៍នគរបាលស្ទឹងមានជ័យទី២ ទើបជនសង្ស័យឈ្មោះ ណាល់ ចាន់ណា និងឈ្មោះ សែន ពេជ្រ បានឆ្លើយសារភាពថាពួកខ្លួនពិតជាបានមានបំណងមករកលួចម៉ូតូរបស់ប្រជាពលរដ្ឋ នៅក្នុងសង្កាត់ស្ទឹងមានជ័យទី២ ខណ្ឌមានជ័យ ពិតប្រាកដមែន ៕
១-ជនសង្ស័យឈ្មោះ ណាល់ ចាន់ណា ហៅ ភ័ក្ត្រ ហៅ ខ្មោចភេទ ប្រុស អាយុ ២៩ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ មុខរបរ មិនពិតប្រាកដ ។ (មានផ្ទុកសារធាតុញៀន)
២-ជនសង្ស័យឈ្មោះ សែន ពេជ្រ ភេទ ប្រុស អាយុ ២៧ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ មុខរបរ មិនពិតប្រាកដ ។ (មានផ្ទុកសារធាតុញៀន)
-វត្ថុតាងចាប់យក : ដែកចុងស្រួចចំនួន ០១, សោរទីបលេខ៨ចំនួន ០១, ដែកលួសសរសៃចំនួន ០១កំណាត់, ទូរស័ព្ទដៃចាស់ចំនួន ០១គ្រឿងម៉ាកវីវ៉ូ ពណ៌ខ្មៅ ស៊ីមកាតលេខ=០៨១ ២០៦ ៤២២៣, ម៉ូតូ ០១ គ្រឿងម៉ាក មីអូ ពណ៌ខ្មៅ ពាក់ស្លាកលេខ ភ្នំពេញ ១FU-៦៧៦៩ លេខម៉ាស៊ីន=២២២៨៦៥១, ទូរស័ព្ទដៃចាស់ចំនួន ០១គ្រឿងម៉ាក ណូគា(ចុចពិល) ពណ៌ខ្មៅ ស៊ីមកាតលេខ ០១៥ ៩៧៥ ៤២២, កាំបិតចុងស្រួចមានស្រោមចំនួន ០១ដើម។
បច្ចុប្បន្នជនសង្ស័យចំនួន ០២ នាក់ឈ្មោះ ណាល់ ចាន់ណា ហៅ ភ័ក្ក្រ ហៅ ខ្មោច និងឈ្មោះ សែន ពេជ្រ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ។
