(ឧត្តរមានជ័យ) ៖ មេឈ្មួញដ៏មានឥទ្ធិពលពូកែធ្វើសកម្មភាពដឹកជញ្ជូនឈើប្រណិតចាស់វស្សាម្នាក់ដែលគេស្គាល់ថាមានឈ្មោះ វ៉ាង រស់នៅក្នុងស្រុកត្រពាំងប្រាសាទកំពុងតែកាក់កបយ៉ាងខ្លាំងក្នុងមុខជំនួញរកសុីដឹកជញ្ជូនឈើប្រណិតអត់ច្បាប់តាមរថយន្តកែឆ្នៃយ៉ាងគគ្រឹកគគ្រេងចេញពីតាមព្រៃសហគមន៏នានាឡើងធ្វើមានបានដូរសេរីឡានគ្រប់មូដតែម្តង។
បើតាមប្រភពច្បាស់ការមួយចេញពីស្រុកត្រពាំងប្រាសាទបានប្រាប់ឲ្យដឹងនៅល្ងាចថ្ងៃទី០៧ខែឧសភាឆ្នាំ២០២២វេលាម៉ោង១៥និង០០នាទីថាមេឈ្មួញជើងខ្លាំងឈ្មោះវ៉ាង រូបនេះតែងតែធ្វើសកម្មភាពដឹកជញ្ជូនឈើប្រណិតមកពីគ្រប់ទិសទីកន្លែងចេញពីតាមតំបន់ព្រៃភ្នំតាមរថយន្តកែឆ្នៃ និងខ្លះទៀតដឹកតាមម៉ូតូដើម្បីយកទៅស្ដុកទុកនៅផ្ទះរបស់ខ្លួននៅក្នុងទីរួមស្រុកត្រពាំងប្រាសាទ ខេត្តឧត្តរមានជ័យ និងដឹកបន្ដយកទៅលក់នៅតាមរោងសិប្បកម្មកែច្នៃផ្សេងៗទៀត។
ពាក់ព័ន្ធទៅនឹងសកម្មភាពដឹកជញ្ជូនឈើប្រណិតរបស់មេឈ្មួញឈ្មោះវ៉ាងនេះដែរ ក្រុមការងារពត៌មានយើងពុំអាចសុំការបកស្រាយបំភ្លឺបានទេថាតើការដឹកជញ្ជូនឈើនេះមានប្រភពច្បាស់លាស់រឺក៏ដឹកចេញពីក្រុមហ៊ុនដីសមទានមានច្បាប់អនុញាតិមកពីខាងណាដែរពីព្រោះពុំមានលេខទំនាក់ទំនងបាន។
សូមបញ្ជាក់ថា មហាជនគ្រប់មជ្ឃដ្ឋានក៏ដូចជាប្រជាពលរដ្ធរស់នៅក្នុងស្រុកត្រពាំងប្រាសាទបានលើកឡើងដូចៗគ្នាថា បើគ្មានការឃុបឃិតស៊ីសំណូកសូកប៉ាន់ពុករលួយ និងបើកដៃពីសំណាក់ អាជ្ញាធរ មានសមត្ថកិច្ច និងមន្ត្រីជំនាញពាក់ព័ន្ធ នៅក្នុងស្រុកនិងខេត្តទេនោះ គឺមេឈ្មួញរូបនេះមិនអាចដឹកជញ្ជូនឈើប្រណិត បានយ៉ាងរលូនជារៀងរាល់ថ្ងៃរាប់ខែរាប់ឆ្នាំ តាមតែអំពើចិត្តបាននោះឡើយ ម្ល៉េះនិងត្រូវជៀសមិនផុតពីការចាប់បង្ក្រាបរឹបអូសធ្វើការផាកពិន័យទៅតាមច្បាប់នោះទេ។
