(បាត់ដំបង) :លោកវរសេនីយ៍ឯក ឈឿន គឹមសុង ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបង ។
ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោកវរសេនីយ៍ឯក លឹម ពុទ្ធីឡា ស្នងការរង ផែនការងារ នគរបាលព្រហ្មទណ្ឌ និង មានការសម្របសម្រួលទៅលើនីតិវិធីពី ឯកឧត្ដម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង នៅថ្ងៃទី ២៧ ខែ មេសា ឆ្នាំ ២០២២ នៅចំណុច ០២ គោលដៅផ្សេងគ្នា ក្នុងក្រុងបាត់ដំបង លោកវរសេនីយ៍ឯក ឈឿង គឹមសុង នាយការរិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយកម្លាំងជំនាញ រួមនិងកម្លាំងអធិការដ្ឋាននគរបាលក្រុងបាត់ដំបង ចុះប្រតិបត្តិការ បង្ក្រាបករណី ទទួលផលចោរកម្ម ចំនួន ០១ ករណី
1️⃣ ចំណុចទី១ នៅវេលាម៉ោង ១៥:៤៥ នាទី ចំណុចបន្ទប់ជួលស្ថិតនៅក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង កម្លាំងយើងបានធ្វើការនាំខ្លួនជនសង្ស័យ ០១ នាក់ ឈ្មោះ ហ៊ួរ សុងតុង ភេទប្រុស អាយុ ៣៤ ឆ្នាំ មានទីលំនៅភូមិ-សង្កាត់ខាងលើ មកកាន់ស្នងការដ្ឋាន ដើម្បីធ្វើការសាកសួរ ។
2️⃣ ចំណុចទី២ នៅវេលាម៉ោង ១៦:២៦ នាទី នៅចំណុចភូមិអូរខ្ជាយ សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង កម្លាំងយើងបានធ្វើការនាំខ្លួនជនសង្ស័យ ០១ នាក់ ឈ្មោះ សៀង រី ហៅ វី ភេទស្រី អាយុ ៣៦ ឆ្នាំ មានទីលំនៅ ភូមិប៉ាហ៊ីខាងជើង សង្កាត់ប៉ាហ៊ី ក្រុងប៉ៃលិន ខេត្តប៉ៃលិន មកកាន់ស្នងការដ្ឋានដើម្បីធ្វើការសាកសួរ ។
វត្ថុតាងដកហូតរួមមាន ៖
– ម៉ូតូចំនួន ២៦ គ្រឿង
បច្ចុប្បន្ន ការិយាល័យជំនាញកំពុងធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ៕
កម្មវិធីចាក់វីដេអូ
កម្មវិធីចាក់វីដេអូ
កម្មវិធីចាក់វីដេអូ
កម្មវិធីចាក់វីដេអូ
កម្មវិធីចាក់វីដេអូ
កម្មវិធីចាក់វីដេអូ
