ខេត្តបន្ទាយមានជ័យ ៖ នាថ្ងៃសៅរ៍ ៧រោច ខែចេត្រ ឆ្នាំខាល ចត្វាស័ក ព.ស២៥៦៥ ត្រូវនិងថ្ងៃទី២៣ ខែមេសា ឆ្នាំ២០២២នេះនៅវេលាម៉ោង ១៦នឹង០០នាទី ដោយអនុវត្តន៍ យ៉ាងម៉ឹងម៉ាត់ ពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ។
ក្រោមការដឹកនាំបញ្ជាផ្ទាល់ពី លោកវរសេនីយ៍ឯក សួង សៅ មេបញ្ជាការ វរ:សេនាតូចនគរបាលការពារព្រំដែនគោកលេខ៨១៥ ដឹកនាំ លោកវរសេនីយ៍ទោ មាស ម៉េងហួង មេបញ្ជាការង នៃវរសេនាតូច នគរបាល ការពារព្រំដែនគោកលេខ៨១៥ ទទួលទិសប៉ុស្តិ៍ចំបក់នឹង លោកវរសេនីយ៍ត្រី ប៊ុន គុន នាយប៉ុស្ដិ៍ចំបក់ នឹងលោកវរសេនីយ៍ត្រី ឡុក ធី នាយប៉ុស្ដិ៍សង្កែ និងកម្លាំងប៉ុស្ដិ៍ចំបក់សរុបចំនួន ១០នាក់ ដោយមានការចូលរួមសហការពីកម្លាំងយោធាសឹករងខេត្តបន្ទាយមានជ័យ កម្លាំងប៉ុស្តិ៍នគរបាលរដ្ឋបាលឃុំបឹងបេង និងកម្លាំងកងរាជអាវុធហត្ថស្រុកម៉ាឡៃ បានធ្វើការទប់ស្កាត់ពលករបម្រុងលួចឆ្លងដែនខុសច្បាប់ទៅប្រទេសថៃចំនួន ៩៥នាក់ (ស្រី៣៩នាក់ កុមារ ១១នាក់) ត្រង់ចំណុចមាត់អូរព្រំដែន ស្ថិតក្នុងភូមិល្វា ឃុំបឹងបេង ស្រុកម៉ាឡៃខេត្តបន្ទាយមានជ័យ។
ដែលពួកគាត់មានទីលំនៅក្នុងខេត្ដចំនួន ១០គឺមានដូចខាងក្រោម៖
១.បន្ទាយមានជ័យ ២១នាក់
២.សៀបរាប ២៩នាក់
៣.បាត់ដំបង ១៣នាក់
៤.ឧត្តមានជ័យ ០៥នាក់
៥.កំពង់ធំ ០២នាក់
៦.កំពត ០៨នាក់
៧.ព្រៃវែង ១០នាក់
៨.តាកែវ ០៣នាក់
៩.ស្វាយរៀង ០៣នាក់
១០.ត្បូងឃ្មុំ ០១នាក់
បន្ទាប់ពីធ្វើការសួរនាំ និងធ្វើកិច្ចសន្យារួច បានប្រគល់ពួកគាត់ជូនផ្នែកជំនាញរបស់អធិការដ្ឋាននគរបាលស្រុកម៉ាឡៃ ដើម្បីចាត់វិធានការបន្តតាមនិតិវិធីច្បាប់ ។
