ខេត្ដបន្ទាយមានជ័យ.ស្រុកម៉ាឡៃ ៖ នាថ្ងៃព្រហស្បត្តិ៍ ៤រោច ខែ ចេត្រ ឆ្នាំខាល ចត្វាស័ក ព.ស២៥៦៥ ត្រូវនិងថ្ងៃទី ២១ ខែ មរសា ឆ្នាំ២០២២នេះនៅវេលាម៉ោង១១នឹង៣០នាទីដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យនឹងអនុវត្តបទបញ្ជាពីលោកវរសេនីយ៍ឯក សួង សៅ មេបញ្ជាការ វរសេនាតូច នគរបាលការពារព្រំដែនគោកលេខ ៨១៥។
ក្នុងកម្លាំងប៉ុស្ដិ៍ចំបក់ ចំនួន ០៤នាក់ ដឹកនាំបញ្ជាដោយលោកវរសេនីយ៍ទោ មាស ម៉េងហួង មេបញ្ជាការង នៃវរ:សេនាតូច នគរបាលការពាព្រំដែនគោកលេខ៨១៥ទទួលទិសប៉ុស្ដិ៍ចំបក់នឹងលោកវរសេនីយ៍ត្រី ប៊ុន គុន នាយប៉ុស្ដិ៍ចំបក់នគរបាលការពារព្រំដែនគោកនៃវរ:សេនាតូចលេខ៨១៥ សហការជាមួយកម្លាំងយោធាតំបន់ប្រតិបត្តិការសឹករងខេត្តបន្ទាយមានជ័យ ចំនួន ០៤នាក់ ដឹកនាំដោយលោកអនុសេនីយ៍ទោ នៅ ញ៉ាញ់ មេបញ្ជាការរង បានទប់ស្កាត់ពលករបម្រុងលួចឆ្លងដែន ពីកម្ពុជាចូលទៅប្រទេស ថៃ ដោយខុសច្បាប់សរុបមានចំនួន ១៣នាក់ (ស្រី០៥នាក់ កុមារ ០៦នាក់) ត្រង់ចំណុចមាត់អូរព្រំដែន កម្ពុជា ថៃ នៅក្នុងភូមិសាស្ត្រភូមិចំបក់ ឃុំបឹងបេង ស្រុកម៉ាឡៃ ខេត្ដបន្ទាយមានជ័យ ។
លោកវរសេនីយ៍ទោ មាស ម៉េងហួង មេបញ្ជាការង នៃវរ:សេនាតូច នគរបាលការពាព្រំដែនគោកលេខ៨១៥ទទួលទិសប៉ុស្ដិ៍ចំបក់ បានឲ្យដឹងថា៖ពលករបម្រុងលួចឆ្លងដែនទាំងនោះមានទីលំនៅក្នុងខេត្ដចំនួន ២គឺ
១. បន្ទាយមានជ័យ ១២នាក់
២.កំពង់ធំ ០១នាក់ បន្ទាប់ពីធ្វើការណែនាំស្ដីពីការឆ្លងរាលដាលរបស់ Virus Covid-១៩រួច នឹងធ្វើកិច្ចសន្យារួច បានប្រគល់ពួកគាត់ជូនកម្លាំងប៉ុស្ដិ៍នគរបាលរដ្ឋបាលឃុំបឹងបេងដើម្បីធ្វើតាមនីតិវិធីច្បាប់ ៕
