(ឧត្តរមានជ័យ)៖ លំនៅឋានមួយកន្លែងមានបើកមុខរបររកស៊ីការ៉ាស់សាំង និងបើកវីងវេលុយដាក់លុយត្រូវបានក្រុមចោរមួយក្រុុមធ្វើសកម្មភាពចូលលួចយកទ្រព្យសម្បត្តិនិងគ្រឿងអលង្ការអស់មួយចំនួន ខណះពេលដែលម្ចាស់ផ្ទះចូលដេកលក់ដូចសព្វមួយដង។ហេតុការណ៍នេះដែរបានបង្កការភ្ញាក់ផ្អើលកាលពីវេលាម៉ោង២៤និង៣០នាទីយប់អាធ្រាតថ្ងៃទី១៧ ឈានចូលថ្ងៃទី១៨ខែមេសា ឆ្នាំ២០២២ ស្ថិតនៅត្រង់ចំណុចភូមិទួលប្រសាទ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។
ប្រភពពីសមត្ថកិច្ចមូលដ្ធានដែលនៅកន្លែងកើតហេតុបានបញ្ជាក់ថាជនរងគ្រោះដែលជាម្ចាស់លំនៅឋានឈ្មោះង៉ែត វ៉ានភេទប្រុស អាយុ៤៨ឆ្នាំ ប្រពន្ធឈ្មោះជួន លួនភេទស្រីអាយុ៤៥ឆ្នាំបើកមុខរបរជាអាជីវករ រស់ក្នុងភូមិឃុំកើតហេតុខាងលើ ។
បើតាមការបញ្ជាក់ឱ្យដឹងពីជនរងគ្រោះដែលជាម្ចាស់ផ្ទះបានរៀបរាប់ប្រាប់សមត្ថកិច្ចថា មុនពេលកើតហេតុនៅវេលាម៉ោងប្រមាណជា៩យប់ថ្ងៃទី១៧ ខែមេសា ឆ្នាំ២០២២រូបខ្លួនដេកនៅខាងមុខផ្ទះ ចំណែកប្រពន្ធនិងកូនៗចូលទៅដេកក្នុងផ្ទះហើយទ្វារមិនបានបិតនោះទេ ចំណែកដំបូលបន្ទប់ទឹកមានប្រហោងធ្លុះធ្លាយផងដែរ។
ម្ចាស់ផ្ទះដដែលបានបញ្ចាក់ពីទ្រព្យសម្បត្តិនៃការបាត់បង់សម្ភារៈរួមមានប្រាក់ចំនួន១២លានរៀល ប្រាក់បាតចំនួន ២ម៉ឺនបាត ប្រាក់ដុល្លារចំនួន១៤០០០ដុល្លាអាមេរិក ទូរស័ព្ទដៃម៉ាកIPhone 11promax ចំនួន១គ្រឿង ខ្សែករប្លាកទីនចំនួន១ខ្សែរមានទម្ងន់៤ជី ។
គួររំលឹកថាទាក់ទិនទៅនិងក្រុមចោរចូលលួចទព្យសម្បត្តិនេះដែរលោកអនុសេនីយ៍ឯកហ៉ើន សំបោន មេបញ្ជាការរងទទួលផ្នែកព្រហ្មទ័ណ្ឌអាវុធហត្តស្រុកអន្លង់វែងបានឲ្យដឹងនៅរសៀលថ្ងៃទី១៨ ខែមេសា ឆ្នាំ២០២២ថា ក្រោយពីកើតហេតុម្ចាស់លំនៅឋានបានមកប្តឹងដល់ទីបញ្ជាការអាវុធហត្តស្រុកអន្លង់វែងភ្លាមៗនោះលោកបានដឹកនាំកំលាំងចុះទៅដល់លំនៅឋានរងគ្រោះធ្វើការសាកសួរនិងធ្វើការពិនិត្យជាក់ស្តែងតែម្តង។
បើតាមការបញ្ជាក់ពីលោកអនុសេនីយ៍ឯកបន្តថា យោងទៅលើការសាកសួរនាំនិងធ្វើការពិនិត្យឃើងថាបញ្ហាដំបូងមកពីម្ចាស់ផ្ទះការថ្វេសប្រហែសមិនបិតទ្វារផ្ទះ និងដំបូលបន្ទប់ទឹកមិនជិតអាចធ្វើឱ្យក្រុមចោរមានឱកាសចូលធ្វើសកម្មភាពលួចទ្រព្យសម្បត្តិបានចេញទៅវិញដោយសុវត្តិភាព ខណះម្ចាស់ផ្ទះកំពុងតែដេកលង់លក់និងដំណេក តែទោះជាបែបណាក៍ដោយកំលាំងអាវុធហត្តស្រុកកំពង់តែធ្វើការស្រាវជ្រាវវែករកមុខសញ្ញាក្រុមចោរលួចយកមកផ្តន្ទាទោសតាមនិតិវិធីច្បាប់ផងដែរ៕
