ភ្នំពេញ ៖ នៅរសៀលថ្ងៃទី២០ ខែមេសា ឆ្នាំ២០២២ លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានចាត់ឲ្យលោកស្រីវរសេនីយ៍ទោ ខែម សុម៉ាលី អធិការរង ចុះសួរសុខទុក្ខលោកអនុសេនីយ៍ឯក ជួន អេរ៉ង មន្ត្រីប៉ុស្តិ៍នគរបាលរដ្ឋបាលផ្សារថ្មីទី១ ដែលជួបឧបទ្ទវហេតុគ្រោះថ្នាក់ចរាចរណ៍បាក់ឆ្អឹងដងកាំបិតខាងស្តាំ ពេលចុះបំពេញបេសកកម្ម ជួយសម្រួលចរាចរណ៍ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ និងកំពុងសម្រាកព្យាបាលនៅផ្ទះ ភូមិក្រពើហា២ ឃុំព្រែកឬស្សី ក្រុងតាខ្មៅ ខេត្តកណ្ដាល។
នៅក្នុងឱកាសនេះដែរ លោកស្រីអធិការរងបានពាំនាំនូវផ្តាំផ្ញើសាកសួរសុខទុក្ខ ពីសំណាក់ឯកឧត្តមស្នងការ ព្រមទាំងនាំយកថវិកាចំនួន១.៥៤០.០០០ ព្រមទាំងគ្រឿងឧបភោគបរិភោគ និងភេសជ្ជ:មួយចំនួនរបស់ឯកឧត្តមស្នងការដូចជា៖ ទឹកដោះគោឆៅ ០២ឡូ, ក្រូចពោធិសាត់: ០២ឡូ, មីម៉ាម៉ា ០២កេះ, ទឹកក្រូច ០១កេះ, ទឹកសុទ្ធ ០២កេះ ប្រគល់ជូនលោកអនុសេនីយ៍ឯកផងដែរ ៕
