ខេត្តបន្ទាយមានជ័យ ៖ នៅព្រឹកថ្ងៃសៅរ៍ ៨កើត ខែចេត្រ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៩ ខែមេសា ឆ្នាំ២០២២នេះ ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យនិងអនុវត្តបទបញ្ជាពីលោកវរសេនីយ៍ឯក សួង សៅ មេបញ្ជាការវរសេនាតូចនគរបាលការពារព្រំដែនគោកលេខ៨៩១បានដាក់បទបញ្ជាយ៉ាងម៉ឺងម៉ាត់ដល់កងកម្លាំងឈរជើងតាមខ្សែបន្ទាត់ព្រំដែន កម្ពុជា ថៃ ត្រូវអនុវត្តតាមបទបញ្ជាថ្នាក់លើដាក់ជូនឱ្យនិងទប់ស្កាត់រាល់បទល្មើសលួចឆ្លងដែនខុសច្បាប់គ្រប់ប្រភេទ ។ល។
សូមបញ្ជាក់ថា៖កម្លាំងចម្រុះឈរជើងតាមខ្សែបន្ទាត់ព្រំដែន និងសកម្មភាពការងាររបស់កងកម្លាំងវរសេនាតូចនគរបាលការពារព្រំដែនគោកលេខ ៨១៥ បានឲ្យដឹងថា ដោយគិតចាប់ពីម៉ោង១៦នឹង០០នាទី រសៀលថ្ងៃទី០៨. ខែមេសា.ឆ្នាំ២០២២នេះ មកដល់វេលាម៉ោង ០៦នឹង០០នាទីព្រឹកថ្ងៃទី០៩.ខែមេសា.ឆ្នាំ២០២២ នេះមានប្រជាពលរដ្ឋវិលត្រឡប់ប្រទេសថៃ (០២លើក)កាលពីថ្ងៃទី០៨ ខែមេសា ឆ្នាំ២០២២នេះនៅវេលាម៉ោង ១៨នឹង០០នាទី មានប្រជាពលរដ្ឋខ្មែរចំនួន ០៥នាក់ (ស្រី០២នាក់ កុមារ០១នាក់) វិលត្រឡប់ពីប្រទេសថៃ ចូលមកប្រទេសកម្ពុជាតាមភូមិសាស្ត្រប៉ុស្តិ៍សង្កែ (ចំណុចក្រោយស្តង់) ពួកគាត់មានទីលំនៅក្នុងខេត្តចំនួន ០២គឺៈ
១. បាត់ដំបង ០៣នាក់
២.កំពង់ឆ្នាំង ០២នាក់
បន្ទាប់ពីធ្វើការណែនាំស្ដីពីការឆ្លងរាលដាលរបស់ Virus Covid-19 រួច កម្លាំង ប៉ុស្តិ៍ សង្កែចំនួន ០៣នាក់ ដឹកនាំដោយលោកវ/ត្រី ឡុក ធី នាយប៉ុស្តិ៍ សហការជាមួយកម្លាំងប៉ុស្ដិ៍រដ្ឋបាលឃុំបឹងបេង កម្លាំងកងពល៥១ បាន ប្រគល់ពួកគាត់ជូនក្រុមគ្រូពេទ្យពិនិត្យ ធ្វើតេស្តរកមេរោគកូវីដ-១៩ ។
មកដល់ថ្ងៃទី០៨ ខែមេសា ឆ្នាំ ២០២២នេះនៅវេលាម៉ោង ២០នឹង៣០នាទី មានប្រជាពលរដ្ឋចំនួន ១១នាក់ (ស្រី០៣នាក់ កុមារ០៣នាក់) វិលត្រឡប់ពីប្រទេសថៃ តាមភូមិសាស្ត្រប៉ុស្តិ៍ស្ពានម៉ាឡៃ (ចំណុចគោលដៅអូរថ្ម) ពួកគាត់មានទីលំនៅក្នុងខេត្ត បន្ទាយមានជ័យ បន្ទាប់ពីធ្វើការណែនាំស្ដីពីការឆ្លងរាលដាលរបស់ Virus Covid-19 រួច កម្លាំងប៉ុស្ដិ៍ ស្ពានម៉ាឡៃចំនួន ០៣នាក់ ដឹកនាំដោយលោកអនុសេនីយ៍ត្រី ថៃ ប៊ុនរ៉ុង នាយរងប៉ុស្ដិ៍ សហការជាមួយកម្លាំងយោធា (វរៈ៥១៣) បាន ប្រគល់ពួកគាត់ជូនក្រុមគ្រូពេទ្យពិនិត្យ ធ្វើតេស្តរកមេរោគកូវីដ-១៩ ។
