ការណែនាំខាងលើនេះធ្វើឡើងក្នុងកិច្ចប្រជុំគណៈបញ្ជាការឯកភាពរបស់រដ្ឋបាលខេត្តរតនគិរី ដែលប្រារព្ធធ្វើឡើងនៅសាលាខេត្តនារសៀលថ្ងៃទី៣០ ខែមីនា ឆ្នាំ២០២២។ បន្ថែមពីនោះពាក់ព័ន្ធនឹងដំណើរការចាក់វ៉ាក់សាំង ឯកឧត្តមអភិបាលខេត្តញ៉ែមសំអឿន ក៏បានសំណូមពរអោយបងប្អូនប្រជាពលរដ្ឋ ដែលមិនទាន់បានចាក់វ៉ាក់សាំងដូសជំរុញ សូមអោយពួកគាត់មកទទួលការចាក់នៅតាមទីតាំងដែលរដ្ឋបាលខេត្តបានរៀបចំផងដែរ។
ឯកឧត្តមក៏បានធ្វើការកោតសរសើរដល់អជ្ញាធរក្រុង ស្រុក មន្ទីរ អង្គភាពជំនាញ ភាគីពាក់ព័ន្ធ ដែលបានអនុវត្តការងារបានល្អប្រសើរក្នុងការថែរក្សាសន្ថិសុខសណ្ដាប់ធ្នាប់សាធារណៈ និងការទប់ស្កាត់បទល្មើសធនធានធម្មជាតិ និងសូមអនុវត្តអោយបានកាន់តែល្អបន្ថែមទៀតនិងជម្រុញ អោយអាជ្ញាធរមូលដ្ឋាននិងសមត្ថកិច្ចពាក់ព័ន្ធទាំងអស់បន្តការអនុវត្តច្បាប់ បទបញ្ជារាជរដ្ឋាភិបាល ពង្រឹងសន្តិសុខសណ្តាប់ធ្នាប់សាធារណៈ សំដៅលើកកម្ពស់ការថែរក្សាសន្តិសុខសណ្តាប់ធ្នាប់សង្គម ទប់ស្កាត់បទល្មើស ការទប់ស្កាត់ និងបង្ក្រាបបទល្មើសធនធានធម្មជាតិ និងបាតុភាពនានានៅក្នុងភូមិសាស្ត្រខេត្តអោយមានប្រសិទ្ធភាព៕
