(ភ្នំពេញ)នៅថ្ងៃទី៣០ ខែមីនា ឆ្នាំ២០២២ មានបុគ្គលខិលខូចបានលួចបង្កើត គណនី Facebook ក្លែងក្លាយដែលមានឈ្មោះ ទៀង ច័ន្ទសារ ហើយដាក់រូបលោកអធិការខណ្ឌជា Profile ។
អធិការដ្ឋាននគរបាលខណ្ឌដូនពេញ សូមធ្វើការបដិសេធទាំងស្រុងចំពោះការចុះផ្សាព្វផ្សាយរបស់បុគ្គលខិលខូចនេះ ដែលបង្កើតគណនីហ្វេសបុកក្លែងក្លាយ ក្នុងគោលបំណងអាក្រក់ បង្ខូចកេរ្តិ៍ឈ្មោះ កិត្តិយស និងសេចក្តីថ្លៃថ្នូររបស់លោកអធិការ ក៏ដូចជាអង្គភាពអធិការដ្ឋាននគរបាលខណ្ឌដូនពេញ ។
បច្ចប្បន្ន សមត្ថកិច្ចជំនាញ នៃអធិការដ្ឋាននគរបាលខណ្ឌដូនពេញ កំពុងធ្វើការស្រាវជ្រាវស្វែងរកជនខិលខូច ដើម្បីអនុវត្តតាមនីតិវធីច្បាប់ ៕
