ស្វាយរៀងៈ លោកស្រីកិត្តសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភានិងអធិការកិច្ច និងជាប្រធានក្រុមការងារ រាជរដ្ឋាភិបាលចុះមូលដ្ឋាន ខេត្តស្វាយរៀង នាព្រឹកថ្ងៃ ទី១៩ ខែមីនា ឆ្នាំ២០២២ បានអញ្ជើញជាអធិបតី ក្នុងពិធី ចែកអង្ករជំនួយសង្គ្រោះបន្ទាន់ ជូនដល់ប្រជាពលរដ្ឋ មានជីវភាពខ្វះខាត ដែលរងផលប៉ះពាល់ ដោយសារជំងឺកូវីដ-១៩ ចំនួន ១០០ គ្រួសារ នៅក្រុងបាវិត ខេត្តស្វាយរៀង។
នៅក្នុងឱកាសនោះ លោកស្រី កិត្តិសង្គហបណ្ឌិត បាននាំមកនូវការផ្តាំផ្ញើសាកសួរសុខទុក្ខ ពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលសម្តេចទាំងទ្វេ តែងតែមានមនោសញ្ចេតនា ស្រលាញ់រាប់អាន និងរួមសុខរួមទុក្ខជាមួយ បងប្អូនជនរួមជាតិ ទាំងអស់ នៅគ្រប់ទីកន្លែង ទូទាំងប្រទេសកម្ពុជា ដោយមិនទុកឲ្យអ្នកណា ស្លាប់ដោយសារ អត់អាហារនោះទេ។
អំណោយដែលបានផ្តល់ជូនប្រជាពលរដ្ឋ ១០០គ្រួសារ នាពេលនេះ ក្នុងមួយគ្រួសារ ទទួលបានអង្ករ ១បាវ ៤០គីឡូក្រាម ម៉ាស់ ១ប្រអប់ និងថវិកា ៥ម៉ឺនរៀល ៕
