ស្នងការដ្ឋាននគរបាលខេត្តស្វាយរៀង រៀបចំពិធីអបអរសាទរខួបលើកទី១១១ នៃទិវាអន្តរជាតិនារី ៨មីនា ឆ្នាំ២០២២ ក្រោមប្រធានបទ សមភាពយេនឌ័រថ្ងៃនេះ ដើម្បីចីរភាពនាពេលអនាគត ក្រោមអធិបតីភាព លោកឧត្តមសេនីយ៍ទោ កឹង ឃន ស្នងការនគរបាលខេត្ត និងមានការអញ្ជើញចូលរួមពីលោក លោកស្រីស្នងការរង នគរនារីតាមបណ្តាការិយាល័យ និងនគរបាលនារីអធិការដ្ឋាននគរបាលក្រុង/ស្រុកទាំង៨ វត្តមានចូលរួម ៣៨នាក់ ប្រុស ០៣នាក់ ។
ក្នុងឱកាសនោះលោកឧត្តមសេនីយ៍ទោ កឹង ឃន ស្នងការនគរបាលខេត្ត បាននាំយកថវិការបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកជំទាវ ជូនដល់នគរបាលនារីទូទាំងខេត្តចំនួន ១៧៥នាក់ ដោយក្នុងម្នាក់ៗ ចំនួន ៨ ម៉ឺនរៀល។
